Paśla Litvy, Łatvi, Estonii i Finlandyi ŭ hetym hodzie dy Niamieččyny i Italii ŭ minułym, viadomy biełaruski piśmieńnik źbirajecca ŭ litaraturny tur u Skandynaviju.
Usio pačniecca adnak užo siońnia, 11 kastryčnika, ź Vilni, dzie adbudziecca lekcyja pra fienomien žančyn u biełaruskaj historyi «Ad Rahniedy da Łarysy Hienijuš».
Padčas lekcyi možna budzie daviedacca pra aśvietnicu i miecenatku Jeŭfrasińniu Połackuju, pra Safiju Połackuju, karalevu Danii, pra pravy žančyn u Vialikim Kniastvie Litoŭskim, piśmieńnicu i teatralnuju dziajačku Francišku Uršulu Radzivił i avanturystku i miemuarystku Sałamieju Pilštynovu, Emiliju Plater i hierainiaŭ vyzvolnych paŭstańniaŭ 1830—1831 i 1863—1864 hadoŭ, ministarku Pieršaha Uradu BNR Pałutu Badunovu dy pra žanočyja losy ŭ hady stalinizmu.
Paśla lekcyi adbudziecca histaryčnaja viktaryna z pryzami, knižny kirmaš i aŭtohraf-siesija piśmieńnika.
Haścioŭnia Biełaruskaj Rady kultury (Vilnia, šv. Ignoto 5-104)
11 kastryčnika 19.00
Ź Vilni Uładzimir Arłoŭ i kiraŭnik Fondu Kamunikat.org Jarasłaŭ Ivaniuk pierajeduć u Skandynaviju.
U Stakholmie, Osła i Kapienhahienie projduć unikalnyja tvorčyja viečaryny «Biełaruś, jakuju my ŭziali z saboj…»
Tam udzielnikaŭ čakaje:
— Dyskusija: Ci dapamoža jeŭrapiejskaja historyja Biełarusi ŭvajści ŭ jeŭrapiejskuju budučyniu?
— Prezientacyja knih Uładzimira Arłova: «Ad Jeŭfrasińni, ad Skaryny», «Imiony svabody», «Ajčyna. Ad Ahinskaha da Bahuševiča», «Orden Biełaj Myšy» i šerahu inšych.
— Raspoviad pra Kamunikat.org — najbujniejšaju biełaruskaju internet-biblijateku ŭ śviecie.
— Knižny kirmaš z knihami vydadzienymi Fondam Kamunikat.org i inšymi niezaležnymi biełaruskimi vydaviectvami.
— Aŭtohraf-siesija z aŭtarami.
Stakholm
Kniharnia Interbok, Hantverkargatan 32, Stockholm
13 kastryčnika, 18:00
Osła
15 kastryčnika, 18.00-19.30
Litteraturhuset Oslo, sal Kverneland
Kapienhahien
17 kastryčnika, 18.00
Ale na hetym jašče nie kaniec!
19 kastryčnika ŭ ramkach Festyvalu biełaruskaj intelektualnaj knihi Pradmova Uładzimir Arłoŭ i Jarasłaŭ Ivaniuk praviaduć prezientacyju knihi «Śvieciacca vokny dy nikoha za jimi», jakaja admietna tym, što vyjšła na biełaruskaj łacincy. Knihu vydaŭ fond Kamunikat.org u partniorstvie z Centram biełaruskaj kultury ŭ Biełastoku.
U hety paetyčny zbornik uvajšli ŭ tym liku vierlibry z knihi «Parom praź La-Manš», za jakuju Arłoŭ atrymaŭ mižnarodnuju premiju «Jeŭrapiejski paet svabody».
Padrabiaznaja infarmacyja pra dakładny čas i miesca sustrečy nieŭzabavie źjavicca na sajcie arhanizataraŭ Festyvalu PRADMOVA www.pradmova.eu
Na zakančeńnie litaraturnaha turu 20 kastryčnika sustreča «Biełaruś, jakuju my ŭziali z saboj…» projdzie ŭ polskim horadzie Poznani.
Poznań
20 kastryčnika, 14.00
Przystanek Pireus, Głogowska 35, Poznań
Kamientary
Asabista dla ciabie ŭsie ciažkija hrachi tav.Panamarenki pieravažaje na šalach historyi toj fakt, što ŭ 1944 h. jon zanaturyŭsia i, skarystaŭšy aŭtarytet hałoŭnaha partyzanskaha načalnika, nia daŭ “pryrezać” Połackuju vobłaść da Rasiejskaj Federacyi, choć adpaviednuju pastanovu papiarednie ŭchvaliŭ sam tav.Stalin. Časam ty daješ volu fantazii j bačyš, jak Pancielajmon Kandratavič apuskaje ŭ svaim kabinecie hłuchija štory, nalivaje dziela śmiełaści sto hramaŭ, azirajecca na baki, a potym padychodzić da partretu pravadyra, nieprystojna krucić rukoj vakoł pryčynnaha miesca i ścišana, ale pa-balšavicku rezka kaža: “Ch… tabie, a nia Połacak”.