Starońni elemient znajšli ŭ raznavidnaści snekaŭ pad nazvaj čyčaron — zakuscy z absmalenaj śvinoj škury. Na pryłaŭki z čarhovaj partyi adpraviłasia ŭpakoŭka, u składzie jakoj jość čypsiny sa śvinym ščacińniem, piša Blizko.by.
Na zdymku vyrazna bačnyja ščacinki da santymietra daŭžynioj. Partyja vyrablenaja 2 kastryčnika 2024 hoda.
Vypuskaje hetyja čypsy fiermierskaja haspadarka «Viaskovyja prysmaki» ź vioski Barsuki ŭ Lepielskim rajonie. Sam cech pa vyrabie znachodzicca ŭ Minsku na vulicy Łandara, 22 u Kurasoŭščynie. Heta zvyčajny žyły dom kala MKAD, u jakim taksama znachodzicca krama «Hrošyk» i narychtoŭčy cech.
Pradukcyja fiermierskaj haspadarki pradajecca ŭ sietcy kram kampanii «Jeŭrahandal» — naprykład, u «Jeŭraopcie».
U narychtoŭčym cechu vydańniu raskazali, što vyrab hetych čypsaŭ — ručny praces: na stadyi padrychtoŭki rabočyja adbirajuć tolki čystyja śvinyja skurki, biez vałasianoha pokryva, a skurki z poŭściu iduć u brak. A paśla absmažvańnia taksama ŭsio pierabirajecca, kab nie było «harelikaŭ» ci inšaha braku.
«Mabyć, paŭpłyvaŭ čałaviečy faktar», — skazali na pradpryjemstvie i paabiacali pryniać usie miery, kab bolš takoha nie paŭtaryłasia.
Źnikłuju ŭ Mjanmie Vieru Kraŭcovu znajšli miortvaj5
Kamientary
Chacia tym, chto jość śvinuju škuru, na tyja vałasinki ŭžo fijaletava pavinna być
Byŭšaja babarykanka, a kurynuju skuru jeści budziecie ? U internecie možna zamović ceły pačak, kali što.