Supracoŭnik ambasady Turcyi ŭ Minsku byŭ zatrymany z 57 kh kakainu ŭ pasolskaj mašynie
Zatrymańnie adbyłosia na pačatku minułaha hoda, ale stała viadoma pra heta tolki ciapier.
9 lutaha 2023 hoda supracoŭniki pasolstva Turcyi ŭ Biełarusi zajechali ŭ svaju krainu z Bałharyi na aŭtamabili Nissan Pathfinder z numaram CD 3443-7, jaki ličycca za pradstaŭnictvam Turcyi ŭ Biełarusi, piša «MotolkoPomohi» sa spasyłkaju na turecki telekanał Halk.
Za rulom aŭtamabila znachodziŭsia supracoŭnik tureckaha MZS Birkan Demirdžy, jaki pracavaŭ u Minsku. Paviedamlajecca, što pry pierasiačeńni miažy aŭto nie praviarali.
Pa prybyćci ŭ Stambuł aŭtamabil i traich čałaviek, uklučajučy Demirčy, aryštavali supracoŭniki Stambulskaha ŭpraŭleńnia pa baraćbie z narkazłačynnaściu, a ŭ mašynie byli znojdzieny dźvie sumki z kakainam vahoj u 57 kh.
Birkan Demirdžy zajaviŭ, što sumki ŭ mašynu jamu pakłali paśla pierasiačeńnia miažy, a ŭ Turcyju jon prybyŭ dla pierasadki vałasoŭ i sustrečy ź dziećmi. Pa infarmacyi ŚMI, Birkan Demirdžy byŭ prysudžany ŭ Turcyi da 17 hadoŭ i 6 miesiacaŭ pazbaŭleńnia voli za zachoŭvańnie narkotykaŭ z metaj ich zbytu.
Redakcyja «MotolkoPomohi» ŭstanaviła, što aŭtamabil Nissan Pathfinder (CD 3443-7) sapraŭdy ličycca za pasolstvam Turcyi ŭ Minsku.
Taksama redakcyi ŭdałosia paćvierdzić, što siarod supracoŭnikaŭ pasolstva ŭ Minsku ličyŭsia i mužčyna pa imi Birkan.
U jaho sacsietkach jość šerah fota z budynka pasolstva Turcyi ŭ Minsku, a taksama fatahrafii, dzie jon hulaje ŭ futboł u składzie minskaj FK «Dypłamat» (kamanda supracoŭnikaŭ pasolstvaŭ u RB).
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary