Hramadstva11

Biełarus natknuŭsia ŭ lesie na dziŭnyja «śpiavajučyja» drevy

Michaił zabłukaŭ u lesie kala vioski Biełaja Carkva ŭ Čašnickim rajonie i natrapiŭ na dziŭnyja śpiavajučyja drevy. Niezrazumiełyja huki z kałonkaŭ, kalarovyja instalacyi, kanistry na halinkach — pra ŭsio ŭbačanaje mužčyna zapisaŭ rolik, u jakim nazvaŭ heta miesca «adnym z samych dziŭnych, u jakich jon kali-niebudź byvaŭ».

Onliner.by pacikaviŭsia, chto za ŭsim hetym staić. Adkaz akazaŭsia značna cikaviejšym i kranalnym, čym zdahadak žartunoŭ z kamientaryjaŭ pra «ałtar dla achviaraprynašeńniaŭ».

@telegin_misha #strannyjles #strannojemiesto #mistika #nieobyčnoje #biełaruś #strangeforest #strangeplaces #mysticism #unusual #belarus ♬ orihinalnyj zvuk - misha telegin

Śpiavajučyja drevy — častka miemaryjalnaha prajekta Sad Orchestra. Jaho aŭtar — Maćviej Saburaŭ, arhanizatar znakamitaha fiestyvalu Sprava, jaki ŭžo šmat hadoŭ pravodzicca na hetaj ža łakacyi, u lesie na bierazie Čarejskaha voziera.

Kožnaje z dreŭ — svojeasablivy pomnik zahinułamu muzykantu abo dziejaču kultury, jakija byli źviazany ź fiestyvalem. U Sad Orchestra užo jość drevy, pryśviečanyja pamiaci viadomaha barabanščyka Arcioma Zaleskaha, avanhardnaha hitarysta Leanida Naruševiča i režysiora i teatralnaha krytyka Alaksieja Strelnikava.

— Ja va ŭzroście, kali pamirajuć siabry i bajavyja tavaryšy. Sa mnohimi, kamu taksama ŭžo pad piaćdziesiat, žartuju, što chutka na pachavańni budziem bačycca čaściej. Dla mianie heta pra pryniaćcie śmierci. U našaj kultury pryniata bajacca jaje. Ja voś, naprykład, baču ŭ śmierci niejki važny rubiež dla analizu žyćcia. Ci zastaniecca paśla ciabie niejkaje «recha»?

Miemaryjalnyja drevy z Sad Orchestra litaralna zabiaśpiečvajuć hetaje «recha». Kožnaje ź ich abstalavana adnapłatnym mikrakampjutaram, dynamikam i datčykami ruchu, siłkavanymi ad soniečnaj batarei. Ideja ŭ tym, što, kali čałaviek padychodzić da dreŭ, jany pačynajuć hrać muzyku i «džemić» pamiž saboj.

— My litaralna «skarmili» prahramie niekalki hadzin muzyki Loni Naruševiča i Arcioma Zaleskaha. Taksama ja napisaŭ treki na asnovie hałasavych paviedamleńniaŭ Lošy Stralnikava, adabranych jaho žonkaj. Drevy na asnovie hetych siempłaŭ nibyta impravizujuć, hrajučy adno z adnym, i kožny raz vydajuć unikalnuju miełodyju. Jany sinchranizavany pamiž saboj i mohuć padładžvacca pad adno adnaho. Kaniešnie, nie tak dobra, jak žyvyja muzykanty, ale dla dreŭ — całkam niadrenna.

Za realizacyjaj prajekta stajać składanyja techničnyja rašeńni, raspracavanyja cełaj kamandaj inžynieraŭ. Za hety hod, pryznajecca Maćviej, jon «napajaŭsia tak, što ŭžo niama sił, i amal navučyŭsia samastojna rabić mikraschiemy».

Vypadkovy słuchač navat moža paŭdzielničać u hetym niezvyčajnym kancercie: da dreva imia Arcioma Zaleskaha padklučany śpiecyjalny baraban, na jakim možna paihrać, i jaho huki stanuć častkaj ahulnaj fanahramy.

— U płanach taksama navučyć śpiecyjalnuju niejrasietku litaralna razmaŭlać hołasam Lošy. Heta mahčyma — my ŭžo zajmajemsia hetym pytańniem. Paśla jaho zastałosia bolš za 20 hadzin radyjopieradač, tamu materyjału dastatkova. Kali ŭsio atrymajecca, jaho maleńki syn zmoža litaralna pryjechać i pahavaryć z tatam.

U pierśpiektyvie sad zmoža papaŭniacca imiannymi drevami inšych zaŭčasna pajšoŭšych biełaruskich artystaŭ. Naprykład, blizkija siabry mastaka Zachara Kudzina ŭžo dali zhodu na stvareńnie dreva jaho imia.

— Spravu, kaniešnie, usio jašče strymlivajuć hrošy. Stvaryć jašče adno dreva, uličvajučy zakaz usich kamplektujučych, kaštuje minimum 300 dalaraŭ. Papiarednija rabilisia za košt prybytku ad fiestyvalu Sprava. Kali nam buduć dapamahać, my z zadavalnieńniem praciahniem hetuju spravu.

Na pytańnie «chacieli b vy sami stać drevam u svaim sadzie paśla śmierci?» Maćviej zadumaŭsia i adkazaŭ:

— Kaniešnie. Dumaju, kali heta zdarycca, maje siabry mianie nie pakinuć i niešta prydumajuć. Kali b ja byŭ «pamieraškaj» — ja b z zadavalnieńniem źlotaŭ u hetaje miesca, kab pahladzieć, jak usio atrymałasia.

— I apošniaje: ci vierniecca fiestyval Sprava u nastupnym hodzie?

— My zaraz jakraz ščylna zaniatyja hetym pytańniem. Vielmi spadziajusia, što tak, — usie šancy jość.

Kamientary1

  • Žvir
    30.10.2024
    Adčapiciesia ad pryrody j navakolla stvoranaha joju. Kožny durań robić, što jamu ŭ hałavie śvistanie, niachaj robić, ale nie koštam stvoranaha j dadzienaha ŭsim nam pryrodaj. Dobra, što poki nieba razmalavać nia mohuć, a to b razmalavali b, i padali b heta, jak afihiennuju fiłasofskuju jdeju, z hłybokim sensam i vielmi ŭsim patrebnuju, a žychary sacyjalnych sietak raztryzvonili b, pavumničali, atrymali ekstaz.

Ciapier čytajuć

«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu

«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu

Usie naviny →
Usie naviny

Staršynia «Biełdziaržcharčprama» prakamientavaŭ padaražańnie kandytarskich vyrabaŭ9

«Napoŭnicu nasyciŭ svaju sientymientalnaść». Hurnievič pra film z Džylijan Andersan, źniaty pa skandalnaj historyi

Słup, padobny da śmierču, bačyli pad Mazyrom

Biełaruska praz dva hady dabiłasia kampiensacyi ad Wizz Air za zatrymku rejsa

Alijeŭ paraiŭ Ukrainie nie zhadžacca na akupacyju. Z-kanały zaklikajuć rychtavacca da vajny z Azierbajdžanam24

U pasažyrskaha Boeing 767 padčas palotu ŭ ZŠA zahareŭsia ruchavik1

Jak na Dobrušskim zavodzie raśpisvajuć farfor5

Raspracoŭščyka kampjutarnych hulniaŭ asudzili na dva hady kałonii za kamientary3

Pasta z tuncom1

bolš čytanych navin
bolš łajkanych navin

«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu

«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu

Hałoŭnaje
Usie naviny →

Zaŭvaha:

 

 

 

 

Zakryć Paviedamić