U Minzdaroŭi raskazali, kali čakajecca pik reśpiratornych zachvorvańniaŭ
Zaraz u krainie pravodzicca aktyŭnaja vakcynacyja suprać hrypu.
Pik reśpiratornych infiekcyj u Biełarusi prahnazujecca ŭ kancy studzienia — pačatku lutaha, pra heta paviedamili ŭ Ministerstvie achovy zdaroŭja.
Zaraz u krainie pravodzicca aktyŭnaja vakcynacyja suprać hrypu. Na siońniašni dzień pryščepku atrymali ŭžo bolš za 1 młn 250 tys.čałaviek.
— Pryščepka abaraniaje ad ciažkaha praciakańnia hrypu i niespryjalnych nastupstvaŭ. U pieršuju čarhu Nacyjanalnym kalendarom pryščepak vyznačany kantynhient ludziej, dla jakich vakcynacyja najbolš važnaja — dzieci ad 6 miesiacaŭ da 3 hadoŭ, dzieci i darosłyja z chraničnymi zachvorvańniami, ludzi starejšyja za 65 hadoŭ, ź imunasupresijaj, ciažarnyja, miedyki, farmrabotniki i h.d., — raspavioŭ zahadčyk adździaleńnia imunaprafiłaktyki Respublikanskaha centra hihijeny, epidemijałohii i hramadskaj achovy zdaroŭja Kirył Ihnataŭ.
U viedamstvie padkreślili, što zaraz va ŭsich rehijonach krainy jość preparaty dla vakcynacyi jak na biaspłatnaj asnovie («Hrypoł plus»), tak i na płatnaj («Vaksihryp Tetra» i «Influvak Tetra»).
Masavaja kampanija imunizacyi zavieršycca da 1 śniežnia. U nastupnym taksama možna budzie abaranicca — da prykładu, ludziam, jakija chvareli i h. d.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary