Śviet

Rasijanka prabrałasia biez kvitka na samalot i dalacieła na im z ZŠA ŭ Paryž

U aeraporcie Ńju-Jorka pasažyrka-bieźbiletnica zmahła prakraścisia na bort samalota biez pasadačnaha tałona. Pry hetym jana bieśpieraškodna prajšła ŭsie kantrolna-prapusknyja punkty, piša CNN.

Fota ilustracyjnaje

Pasažyry avijarejsa Ńju-Jork — Paryž źviarnuli ŭvahu na dziŭnuju žančynu, jakaja lacieła ź imi ŭ samalocie. Na praciahu siami hadzin palotu pasažyrka pavodziła siabie niespakojna i ŭvieś čas kursiravała pamiž čatyrma tualetnymi kabinkami.

Spačatku padarožniki padumali, što žančyna nie vielmi zdarovaja, i paviedamili pra heta ściuardesie. Ale paśla pravierki stała zrazumieła, što ŭ nieviadomaj žančyny niama kvitka. Jak pry hetym joj udałosia prakraścisia na bort samalota — nie zrazumieła.

U paryžskim aeraporcie Šarla de Hola žančynu zatrymała palicyja. Byŭ zrobleny zapyt u ńju-jorkski aeraport Džona F. Kenedzi, adkul paviedamili, što ŭ piersanała pytańniaŭ da žančyny nie ŭźnikła, i jana zmahła spakojna prajści ŭsie kantrolna-prapusknyja punkty. Jak heta mahło atrymacca biez pasadačnaha tałona trapić u sałon samalota, zastałosia adkrytym.

Padčas palotu pasažyram rejsa nie stali havaryć, što na borcie znachodzicca bieźbiletnica. Tolki paśla pryziamleńnia piłot samalota źviarnuŭsia da pasažyraŭ pa hučnaj suviazi i paprasiŭ usich zastavacca na miescach datul, pakul žančynu nie zabiare palicyja.

Vyśvietliłasia, što ŭ samalocie nie było svabodnych miescaŭ, i mienavita tamu žančyna ŭsie siem hadzin palotu była vymušanaja znachodzicca ŭ roznych tualetnych kabinkach. U adnu ź ich jana schavałasia niepasredna pierad uźlotam.

Pra bieźbiletnicu viadoma, što joj 55-60 hadoŭ, u jaje rasijski pašpart i hryn-karta ZŠA. Parušalnicu płanujuć adpravić nazad u Štaty, a ŭ incydencie buduć raźbiracca.

Pra hetuju historyju ŭ sacyjalnych sietkach raskazaŭ pasažyr rejsa Rob Džeksan. Akramia hetaha, jon paviedamiŭ, što praź bieźbiletnicu paśla pryziamleńnia samalota astatnim pasažyram daviałosia pravieści ŭ samalocie jašče 40 chvilin, pakul 7 supracoŭnikaŭ palicyi nie padnialisia na bort.

Kamientary

Ciapier čytajuć

33-hadovy biełaruski kikbaksior-čempijon pamior ad redkaj ankałohii4

33-hadovy biełaruski kikbaksior-čempijon pamior ad redkaj ankałohii

Usie naviny →
Usie naviny

Łaŭroŭ zapatrabavaŭ, kab uvieś śviet pryznaŭ rasijskimi akupavanyja terytoryi Ukrainy8

«Krumkačy» pradstavili svaju novuju formu. Jana z vycinankaj3

Pucin abviaściŭ trochdzionnaje pieramirje ŭ honar 80-hodździa Pieramohi11

U Ispanii i Partuhalii źnikła elektryčnaść4

Azaronak adkazaŭ błohiercy: Padniaŭ ž*pu i prašvyrnuŭsia pa handlovych kropkach17

Kankłaŭ źbiarecca 7 maja, na im budzie staršynstvavać kardynał Paralin

«U jaho što, nie było čornaha kaściuma?» Trampa krytykujuć za prajaŭleńnie niepavahi na pachavańni Papy Franciška6

Mužčyna vyzvaliŭsia ranicaj z kałonii i paśla abiedu paśpieŭ trapicca za kraty pa takoj ža spravie

Ukrainski prajekt «Chaču žyć» nazvaŭ imiony bolš za 700 biełarusaŭ, jakija vajavali na rasijskim baku POŬNY ŚPIS58

bolš čytanych navin
bolš łajkanych navin

33-hadovy biełaruski kikbaksior-čempijon pamior ad redkaj ankałohii4

33-hadovy biełaruski kikbaksior-čempijon pamior ad redkaj ankałohii

Hałoŭnaje
Usie naviny →

Zaŭvaha:

 

 

 

 

Zakryć Paviedamić