Śviet1717

Bašar Asad viarnuŭsia ŭ Damask i rychtujecca dać adpor paŭstancam

Kiraŭnik Siryi Bašar Asad, jaki paśla pačatku ŭ krainie paśpiachovaha nastupleńnia apazicyjnych jamu siłaŭ nieadkładna źlotaŭ u Maskvu dla sustrečy z Pucinym, viarnuŭsia ŭ Damask i razharnuŭ aktyŭnuju dziejnaść pa arhanizacyi adporu paŭstancam, a taksama mabilizacyi ŭpłyvovych mižnarodnych sajuźnikaŭ. 

Bašar Asad. Fota: Borna News/Matin Ghasemi/Aksonline ATPImages/Getty Images

Jak vyhladaje z apošnich paviedamleńniaŭ, viernyja Asadu vajskovyja čaści adyšli ad razhublenaści i rychtujucca dać paŭstancam, jakim da hetaha času ŭdałosia zaniać bujny horad Alepa i pravincyju Idlib na paŭnočnym zachadzie krainy, adpor. Kamandavańnie armii zajaviła pra paśpiachovaje i rašučaje adbićcio ich čarhovaj ataki i anansavała chutkaje kontrnastupleńnie.

Horad Chama, jaki mieŭ stać dla paŭstancaŭ nastupnaj metaj, pakul nie ŭziaty, uradavyja vojski vykazvajuć hatoŭnaść jaho abaraniać. Miascovy hubiernatar zajaviŭ, što ŭ Chamu prybyli padmacavańni siryjskaj armii, a ŭsie dziaržaŭnyja ŭstanovy pracujuć u zvykłym režymie. Paviedamleńni ab ustupleńni ŭ Chamu paŭstanckich atradaŭ jon nazvaŭ fejkam.

Bašar Asad tym časam sprabuje sfarmavać u abaronu svajho režymu kaalicyju z upłyvovych u rehijonie čyńnikaŭ, jakija ŭ im zacikaŭlenyja. Tak, adrazu paśla viartańnia z Maskvy jon parazmaŭlaŭ pa telefonie z prezidentam Abjadnanych Arabskich Emirataŭ šejcham Muchamiedam bin Zaidam Al Nachajanam. Padčas hetaj hutarki, jak paviedamiła pres-słužba Asada, siryjski dyktatar padkreśliŭ, što Siryja «praciahvaje adstojvać svaju stabilnaść i terytaryjalnuju cełasnaść pierad abliččam terarystaŭ i ich prychilnikaŭ» i patrabuje padtrymki «sajuźnikaŭ i siabroŭ». Kiraŭnik AAE u adkaz nibyta zajaviŭ, što jahonaja kraina «padtrymlivaje namahańni Siryi ŭ baraćbie z teraryzmam, adnaŭleńni jaje suvierenitetu, terytaryjalnaj cełasnaści i stabilnaści».

Padobnaja razmova adbyłasia taksama z premjer-ministram Iraka Muchamiedam Šyitaj al-Sudani. Toj nibyta taksama hatovy akazać Asadu nieabchodnuju dapamohu.

Paviedamlajecca taksama, što 1 śniežnia Siryju naviedaje ministr zamiežnych spraŭ Irana Abas Arahčy. Jon płanuje sustrecca ź siryjskimi ŭładami ŭ Damasku, a zatym adpravicca ŭ Ankaru dla pieramoŭ z tureckimi aficyjnymi asobami. Ličycca, što za śpinaj paŭstancaŭ staić Turcyja na čale ź jaje prezidentam Redžepam Taipam Erdahanam, choć aficyjna heta i admaŭlajecca.

Miž tym, pavodle paviedamleńnia vydańnia The Times of Israel, premjer varožaha siryjskamu režymu Izraila Bińjamin Nietańjachu pravioŭ kansultacyi sa svajoj raźviedkaj ab situacyi ŭ Siryi. Izrail razhladaje krach režymu Asada jak faktar, jaki moža prynieści karotkaterminovyja vyhady, ale ŭ toj ža čas i stvaryć novyja pahrozy.

Kamientary17

  • chm
    01.12.2024
    Armija Assada razłožiłaś… vriad li Rośsija pomožiet
  • Litvin
    01.12.2024
    Daj Ałłach vam mužnaść pan Asad zadavić hetych pacukoŭ jakich pad́rymlivaje Erdahanski režym.
  • Gar
    01.12.2024
    Dałoŭ tyrana!
    Słava paŭstancam!
    Viek žyvie svabodnaja Siryja!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu6

Tramp: 17 sistem Patriot adpravim va Ukrainu

Usie naviny →
Usie naviny

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

bolš čytanych navin
bolš łajkanych navin

Tramp: 17 sistem Patriot adpravim va Ukrainu6

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić