Čynoŭniki ŭ Homielskaj vobłaści zapatrabavali adklučyć televizary ŭ arhanizacyjach i pradpryjemstvach ad internetu
Rajvykankamy rassyłajuć u padviedamnyja ŭstanovy ŭ Homielskaj vobłaści ŭkazańni, źviazanyja z pracaj ekranaŭ u arhanizacyjach i na pradpryjemstvach.
Jak daviedaŭsia Fłahštok, ideołahi pastavili zadaču zabiaśpiečyć pracu televizaraŭ, infarmacyjnych panelaŭ i inšych padobnych elektronnych pryład bieź ich padłučeńnia da internetu.
Patrabavańnie pieravieści ekrany ŭ aŭtanomny režym moža kazać pra aściarohu ŭładaŭ paŭtareńnia situacyi, kali ŭ druhuju hadavinu pačatku poŭnamaštabnaj vajny RF suprać Ukrainy, 24 lutaha, u mienskim mietro tranślavaŭsia zvarot Śviatłany Cichanoŭskaj. Tady sistema rekłamnych ekranaŭ była ŭzłamanaja z-za miažy praź internet.
Hetaje patrabavańnie ideołahaŭ źjaviłasia niezadoŭha da prezidenckich vybaraŭ, jakija źjaŭlajucca farmalnaj praceduraj pieravybrańnia Alaksandra Łukašenki. U pieryjad kampanii ŭłady bajacca luboj prajavy niazhody ź dziejańniami režymu.
Takim čynam, čynoŭniki na miescach mohuć pierastrachoŭvacca paśla zajavy Łukašenki ab tym, što ŭ vypadku nieabchodnaści jon daść ukazańnie adklučyć u Biełarusi internet.
Akramia zabieśpiačeńnia aŭtanomnaj pracy ekranaŭ ideołahi taksama zapatrabavali pravieści maderacyju kantentu, jaki tranślujecca ŭ arhanizacyjach i na pradpryjemstvach.
Ciapier čytajuć
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy6
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Eti knihi - encikłopiedii žiźni i rukovodstva k diejstviju dla nich.
A narodcu zaprietili ich čitať.