Pucin nazvaŭ kampazitara Pachmutavu Alaksandraj Mikałajevičam Patrušavym
Uručajučy dziaržaŭnyja ŭznaharody, Pucin pierabłytaŭ viadomuju savieckuju kampazitarku z byłym dyrektaram FSB.
Uładzimir Pucin prysvoiŭ viadomaj savieckaj kampazitarcy Alaksandry Pachmutavaj zvańnie Hieroja Pracy. Adnak aficyjnaje mierapryjemstva prajšło nie biez kazusa.
Vystupajučy pierad uznaharodžanymi, Pucin pierabłytaŭ 95-hadovuju kampazitarku, aŭtarku siarod inšaha pieśni «Biełaviežskaja pušča» sa svaim blizkim paplečnikam, byłym dyrektaram FSB Mikałajem Patrušavym, zaŭvažyła «Ahienctva».
«Viadoma, nie mahu nie skazać pra ŭsienarodna lubimuju Alaksandru Mikałajeviča Patrušava», — skazaŭ Pucin. Paśla zapinki jon sam siabie vypraviŭ.
Mikałaj Patrušaŭ ličycca adnym z najbližejšych da Uładzimira Pucina ludziej. Jon doŭhi čas zajmaŭ kiraŭničyja pasady ŭ siłavych strukturach, u tym liku kiravaŭ FSB i byŭ sakratarom Rady biaśpieki.
Pucin u apošnija hady časta ahavorvajecca, kali havorka idzie pra niečyja imiony. Chrestamatyjnaj stała «baraćba» rasijskaha kiraŭnika ź imieniem pa baćku prezidenta Kazachstana Kasyma-Žamarta Takajeva.
Na praciahu niekalkich hadoŭ na sumiesnych mierapryjemstvach Pucin nijak nie moh vymavić imia pa baćku Kiemielevič, nazyvajučy kalehu to Išamiljevičam, to Kielemjevičam, to naohuł prahavorvajučy skarahavorkaj, kab ničoha nielha było razabrać.
Łukašenka ŭznaharodziŭ 95-hadovuju Alaksandru Pachmutavu ordenam
Pamior lehiendarny saviecki paet-piesieńnik Mikałaj Dabranravaŭ
Palitołah patłumačyła, što značyć pramova prezidenta Kazachstana pierad Pucinym pa-kazachsku
Prezident Kazachstana źviarnuŭsia da Pucina i rasiejskaj delehacyi na kazachskaj movie. Zirnicie na tvary rasijan
Kamientary