Tramp zajaviŭ, što čakaje sustrečy z Pucinym, kab chutčej skončyć vajnu va Ukrainie
«Ja abiacaju, što nie dapušču Treciaj suśvietnaj vajny».
Abrany prezident ZŠA Donald Tramp zajaviŭ, što čakaje sustrečy z kiraŭnikom Rasii Uładzimiram Pucinym, kab skončyć vajnu va Ukrainie.
Pra heta Tramp zajaviŭ padčas vystupu ŭ Aryzonie, jaki tranślavaŭ kanał LiveNow ad Fox, piša «Ukrainskaja praŭda».
«Adna z rečaŭ, jakuju ja chaču zrabić chutka, i prezident Pucin skazaŭ, što jon choča sustrecca sa mnoj jak maha chutčej… My pavinny čakać hetaha, my pavinny skončyć hetuju vajnu. Hetaja vajna žudasnaja», — skazaŭ Donald Tramp.
Jon paŭtaryŭ svoj raniejšy tezis, što hetaja vajna nikoli nie adbyłasia b, kali b jon byŭ prezidentam.
«Ja skonču vajnu va Ukrainie, ja spyniu chaos na Blizkim Uschodzie. I ja abiacaju, što nie dapušču Treciaj suśvietnaj vajny. My vielmi blizkija da Treciaj suśvietnaj vajny», — paabiacaŭ Tramp.
19 śniežnia Uładzimir Pucin zajaviŭ, što hatovy da razmovy abo sustrečy z abranym prezidentam ZŠA Donaldam Trampam «u luby čas».
18 śniežnia abrany Trampam na pasadu śpiecpradstaŭnika ŭ pytańniach Ukrainy i Rasii Kit Kiełah vykazaŭ pierakanańnie, što Kijeŭ i Maskva ŭžo hatovyja da pieramovaŭ ab miry.
Raniej Tramp zapeŭniŭ, što ŭ svaich sprobach urehulavać rasijska-ŭkrainskuju vajnu praciahnie padtrymlivać Ukrainu.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary