Tort «Sieladziec pad šubaj» za 16,99 apynuŭsia ŭ centry haračych sprečak
U tyktoku źviarnuli ŭvahu na sałaty-torty ŭ kulinaryi «Jeŭraopta». Praŭda, zamiest zachapleńnia prapanovaj u kamientarach horača spračajucca: ci možna ŭvohule daviarać kulinaryi ŭ kramach?
Da śviatočnaha stała «Jeŭraopt» u hetym hodzie siarod inšaha prapanuje sušy-tort, torty «Sieladziec pad šubaj» i «Aliŭje». U asartymiencie taksama krabavy sałat, «Małachit» i inšyja.
Ceny na takija stravy składajuć ad 14 da 24 rubloŭ za kiłahram.
Dobruju pa svaim sensie zadumu zekanomić čas na hatavańnie nie ŭsie ŭspryniali z entuzijazmam.
«Źjeści taki sałat na Novy hod i pamierci», «Hałoŭnaje — vyžyć paśla takoha torcika», «Toje, što nie pradajuć, pchajuć u sałaty», «Heta ž amal z sapsavanych užo praduktaŭ robicca!», «Ja sama pracavała ŭ kramach i viedaju, što ŭłasnaja pradukcyja dla kram — najlepšy varyjant dla nielikvida», — nie dajuć šancu kulinaryi kamientatary.
Karystalniki taksama źviartajuć uvahu na košt prapanovy: kali hatavać usio samomu, to vychodzić bolš ekanomna.
«16,99 za kiłahram sieladca pad šubaj? Vy surjozna?», «Ceny zavobłačnyja», — aburajucca ludzi.
Ale jość tyja, chto pazityŭna acaniŭ ideju: «Dobraja reč — torcik dla darosłych», «Dla mianie heta idealna, nam pradajuć nie prosta sałaty, a ekanomiać čas — supierideja dla zaniatych ludziej», «Dziakuj tym, chto heta hatuje! Ciapier u žančyn budzie bolš času na siabie lubimuju!»
Na abaronu kulinaryi ŭ kamientary pryjšła žančyna, jakaja nazvałasia supracoŭnicaj «Jeŭraopta» na hatovaj pradukcyi: «Čytaju i ŭ šoku ad kamientataraŭ. Čamu ž vy ŭ čerhach staicie pa hetyja «niaśviežyja» sałaty i katlety? Hatujcie doma, u čym prablema? I nie treba ŭsie kramy pad adzin hrabianiec».
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni32
Kamientary
Zastał sovietskije kafietierii i konditierskije, poetomu nie vosprinimaju blednuju vypiečku i dažie nie mohu pojedať pirožki s krasnym, a nie koričnievym povidłom.