Premjer Kanady pakidaje pasadu kiraŭnika partyi. Paźniej jon pakinie i kresła premjera
Džaścin Trudo ŭznačalvaŭ Libieralnuju partyju Kanady z 2013 hoda.
Jon abviaściŭ, što pakidaje pasadu kiraŭnika partyi, piša Bi-bi-si.
Trudo dadaŭ, što pakinie i pasadu premjer-ministra paśla taho, jak partyja abiare novaha lidara.
Krynicy kanadskich ŚMI tłumačyli, što Trudo vyrašyŭ abviaścić ab svajoj adstaŭcy pierad ahulnanacyjanalnym źjezdam Libieralnaj partyi, jaki pačniecca ŭ sieradu. Tam budzie vyrašacca pytańnie ab pieravybrańni partyjnaha kiraŭnictva, i Trudo, jak miarkujuć, chacieŭ paźbiehnuć situacyi, kali ŭłasnyja adnapartyjcy zrušać jaho z pasady lidara.
U apošni čas Libieralnaja partyja prykmietna straciła papularnaść. Apytańni hramadskaj dumki pradkazvajuć jaje parazu na ŭsieahulnych vybarach, jakija projduć sioleta nie paźniej za kastryčnik.
Trudo staŭ premjer-ministram u 2015 hodzie, paśla taho jak u tym ža hodzie libierały atrymali pieramohu na parłamienckich vybarach.
Jon byŭ samym maładym premjer-ministram Kanady ŭ jaje historyi. Trudo patomny palityk: jaho baćka Pjer Elijot Trudo zajmaŭ pasadu premjer-ministra Kanady ŭ 1968-79 i 1980-84 hadach.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia34
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary