Stała viadoma, chto žanich byłoj deputatki Maryi Vasilevič
Fota z budučym mužam Mis Biełaruś 2018 vykłała ŭ sacsietkach.
Zdajecca, za niekalki dzion Maryja Vasilevič raspaviała pra asabistaje žyćcio bolš, čym za apošnija šeść hadoŭ. Ciapier pryhažunia pakazała ŭ storys svajho žanicha, padpisaŭšy zdymak: «Nu što za dzień».
Chłopiec na fota, vierahodna, Alaksandr Žyłač. U 2022 hodzie pra Alaksandra pisała «Znamia junosti» — tekst byŭ pryśviečany Dniu budaŭnika. Na toj momant chłopiec byŭ kiraŭnikom prajekta RUP «Biełbudcentr» u Sankt-Pieciarburhu. Jon raskazvaŭ pra zaviaršeńnie budaŭnictva ŭ Piciery trochpaviarchovaha dziciačaha sada na 190 miescaŭ z basiejnam.
Alaksandr Žyłač. Fota: «Znamia junosti»
Adznačałasia, što hieahrafija budoŭlaŭ u Alaksandra šyrokaja: jon udzielničaŭ va ŭźviadzieńni žylla ŭ Minsku i vobłaści, škoły ŭ horadzie Sabinka Uładzimirskaj vobłaści, dziciačaha sada ŭ Bałabanava Kałužskaj vobłaści.
Praz hod fotazdymki Alaksandra byli na sajcie jaho pracadaŭcy. Navina pryśviačałasia tamu, što aktyvisty piarvički BRSM RUP «Biełbudcentr» paŭdzielničali ŭ prezientacyi knihi «Pamiać naroda. Chronika Minskaha hieta».
U mužčyny jość dva dypłomy: adzin — Minskaha dziaržaŭnaha architekturna-budaŭničaha kaledža, druhi — Połackaha dziaržaŭnaha ŭniviersiteta, dzie jon vyvučaŭ pramysłovaje i hramadzianskaje budaŭnictva. Abodva dypłomy chłopiec abaraniŭ na dzieviać bałaŭ.
U minułym Alaksandr byŭ prafiesijnym futbalistam, hulaŭ u FK «Uzda».
Paznajomiŭsia jon z Maryjaj Vasilevič u fitnes-kłubie.
Mikoła Buhaj: Treba pieraharnuć staronku 2020-ha i pačać žyć novymi realijami68
Kamientary