Biełaruska z synam u Francyi zastałasia biez dazvołu na žycharstva. Jana prosić padtrymki, kab nie apynucca na vulicy
Biełaruska ź dziciem pierajechała ŭ Francyju 8 hadoŭ tamu i paśla niaŭdałaha šlubu stała zakładnicaj biurakratyčnaj sistemy praź ciažkaści z pracesam lehalizacyi.
Kab nie apynucca na vulicy, žančyna prosić padtrymki i adkryła zbor na «Bajsoł».
«Mianie zavuć Žanna Klimienka, mnie 53 hady. Ja vosiem hadoŭ žyvu ŭ Francyi, u Strasburhu. Pierajechała z synam u studzieni 2018-ha. Na žal, šlub nie skłaŭsia: praz dva hady pryjšłosia raźvieścisia i padnimać dzicia adnoj. Z tych časoŭ majo žyćcio — heta pastajannyja sproby vybracca ź biurakratyčnaj dryhvy i zastacca na zakonnym stanoviščy», — piša žančyna.
«U 2020 hodzie ja adkryta vystupiła suprać hvałtu ŭ Biełarusi: vychodziła na mitynhi ŭ Strasburhu razam z synam, ź lutaha 2022‑ha rehularna ŭdzielničaju ŭ akcyjach u padtrymku Ukrainy. Aktyŭna viadu błohi ŭ sacyjalnych sietkach, dzie raspaviadaju pra pratesty i falsifikacyi ŭ Biełarusi i padtrymku Ukrainy. Padtrymlivaju biełaruskich dobraachvotnikaŭ z pałka im. Kastusia Kalinoŭskaha. Viartańnie ŭ Biełaruś dla mianie i syna vyklučana: za pazicyju i publičnyja vykazvańni ja bajusia pieraśledu.
Try hady tamu prefiektura nie praciahnuła mnie dazvoł na žycharstva. Z 2022 hoda ja biez statusu i prava na pracu. Biełaruski pašpart skončyŭsia jašče ŭ śniežni 2024-ha. Niadaŭna ja atrymała zahad pakinuć terytoryju Francyi na praciahu 30 dzion. Z dapamohaj advakata padała apielacyju i damahajusia pierahladu rašeńnia, prašu ŭličyć ryzyku pieraśledu ŭ vypadku viartańnia ŭ Biełaruś.
My žyviom u kvatery, pradstaŭlenaj dziaržavaj jašče ŭ toj čas, kali ŭ mianie byli dakumienty. Praz adsutnaść dachodu nazapasiŭsia vialiki doŭh pa arendzie: jość sudovaje rašeńnie ab vysialeńni, faktyčna my čakajem prymusovaha vyzvaleńnia žylla.
Dapamoha, jakuju atrymoŭvajecca znajści, nie pakryvaje bazavyja zapatrabavańni. Praduktovaha košyka na siamju chapaje na try-čatyry dni, astatni čas my ekanomim na ŭsim.
Ciapier nas dvoje: ja i niepaŭnaletni syn (17 hadoŭ), jon kančaje miascovy licej. Svajakoŭ u Francyi niama, prytulić nas niama kamu. Lubaja praca dla mianie siońnia niedastupnaja pa zakonie: bieź dziejnych dakumientaŭ ja nie mahu lehalna pracaŭładkavacca, a nielehalnaja zaniataść u Francyi zabaronienaja.
Prašu ŭsich ab terminovaj padtrymcy, kab nie apynucca na vulicy i mieć minimum srodkaŭ na ježu, suviaź i rachunki, pakul my abskardžvajem rašeńnie prefiektury i damahajemsia lehalizacyi. Dziakuj kožnamu, chto adhukniecca. Lubaja dapamoha daść nam šaniec pieražyć hety pieryjad i lehalna zastacca ŭ biaśpiecy», — piša Žanna Klimienka.
Suma zboru — €3000
- €1800 — arenda žylla na 3 miesiacy
- €600 — doŭh pa rachunkach i mabilnaja suviaź
- €300 — inšyja terminovyja daŭhi
- €300 — pradukty charčavańnia
Padtrymać praz «Bajsoł»
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary
Žilje niedorohoje dali,
płatiť nie choču .
Rabotať było nie ochota.
Status pomieniať było leń.
Pacan vpołnie užie na podrabotku hotov tožie.
I td i tp
No, dieniech dajtie,potomu čto ja političieski aktivna )
Kstati,nie fakt, čto eti błohi i akcii voobŝie popali v pole vnimanija biełorusskich vłastiej, poka ona nie otkryła sbor: somnievajuś, čto biełorusskije vłasti v každyj jevropiejskij horod šlut ahientov, fiksirujuŝich učastnikov akcij, kak eto byvajet v Varšavie i Vilniusie. To žie kasajetsia jeje błoha, v kotorom, skorieje vsieho, połtora čiełovieka podpisčikov i potomu nieintieriesno dla KHB.
šta?