U Minsku prypyniŭ svaju pracu papularny dziciačy zabaŭlalny centr — «Dynazaŭryja». Pryčyny nie ŭdakładniajucca, adnak u sacsietkach centra havorycca pra «źniešnija abstaviny, na jakija my nie možam paŭpłyvać».
U paviedamleńni taksama adznačajecca, što «Dynazaŭryja» robić usio mahčymaje dla jak maha chutčejšaha vyrašeńnia situacyi. Jak tolki praca centra budzie adnoŭlena, infarmacyja pra heta źjavicca na jaho sajcie i ŭ sacsietkach, piša Office Life.
Centr siamiejnaha adpačynku znachodzicca ŭ minskim HC «Civali» z 2015 hoda i zajmaje 2,4 tys. kv. m.
U lipieni minułaha hoda stała viadoma, što płošča, na jakoj raźmieščany zabaŭlalny centr, była vystaŭlena na prodaž za $1,8 młn.
Pradaŭcom vystupała ZAT «Uschodnie-Jeŭrapiejskaja kampanija» ŭ košt pahašeńnia daŭhoŭ. Abjekt byŭ abciažarany ipatekaj, jakuju płanavali pahasić z hrošaj ad prodažu.
Kamientary