10 studzienia na 79-m hodzie žyćcia nie stała vučonaha i piedahoha ŭ halinie mikrabijałohii, akademika NAN Biełarusi, zasłužanaha dziejača navuki, prafiesara Leanida Piatroviča Citova, paviedamlaje telehram-kanał Minzdaroŭja.
Leanid Citoŭ naradziŭsia 3 kastryčnika 1946 hoda ŭ Michajłavičach Horackaha rajona ŭ siamji vieterynaraŭ.
Skončyŭ Minski dziaržaŭny miedycynski instytut. U 1978 hodzie abaraniŭ dysiertacyju na suiskańnie vučonaj stupieni kandydata miedycynskich navuk pa temie «Vyvučeńnie humaralnych faktaraŭ naturalnaha imunitetu ŭ chvorych ź pieršasnymi chraničnymi infiekcyjami dychalnych šlachoŭ».
U 1986 h.abrany dacentam pa śpiecyjalnaści imunałohija, a ŭ 1988 h. — zahadčykam kafiedry mikrabijałohii, virusałohii, imunałohii MDMI.
U 1991 hodzie abaraniŭ doktarskuju dysiertacyju na suiskańnie vučonaj stupieni doktara miedycynskich navuk pa temie «Fizijałahičnyja i patałahičnyja zakanamiernaści funkcyjanavańnia sistemy kamlemientu» pa śpiecyjalnaści «Kliničnaja imunałohija i alerhałohija».
Z 1995 pa 2009 hod Ł. Citoŭ pracavaŭ dyrektaram NDI epidemijałohii i mikrabijałohii. Pad jaho kiraŭnictvam była abhruntavana stratehija raźvićcia novaha navukovaha napramku — miedycynskaj bijatechnałohii, zasnavanaj na dasiahnieńniach malekularnaj bijałohii, hienomiki i pratejomiki. Dla jaje realizacyi była raspracavana kancepcyja dziaržaŭnaj navukova-techničnaj prahramy «Infiekcyjnyja chvaroby i miedycynskija bijatechnałohii» (1996-2005 hh.).
U 1996 hodzie ŭpieršyniu była raspracavana kancepcyja prahramy «Infiekcyjnyja zachvorvańni».
Dziakujučy jaho namahańniam stvorana bolš za 40 novych dyjahnastyčnych i imunabijałahičnych preparataŭ, a taksama nacyjanalnaja sistema manitorynhu rezistentnaści bakteryj da antybakteryjalnych preparataŭ.
-
Cichanoŭskaja: Jak Siarhieja pryvieźli ŭ Vilniu, my adrazu pajechali ŭ kramu kuplać majki, džynsy. I jamu padabajecca, što jon taki strojny
-
U 18-m pakiecie sankcyj — čatyry biełaruskija kampanii i zavod «Lehmaš», praduhledžvajucca zachady suprać biełaruskich bankaŭ
-
Siamja ź Biełarusi na svajoj mašynie prajechała kala 10 tysiač kiłamietraŭ dziela Ehiejskaha mora
Kamientary