Rabotnikam «Hrodna Azot» pahražajuć zvalnieńniami za smartfony na pracy
Kiraŭnictva zavoda zajaviła, što niesankcyjanavanaje vykarystańnie smartfonaŭ niasie niebiaśpieku dla ŭsiaho pradpryjemstva.
Na «Hrodna Azot» prajšła narada pad kiraŭnictvam hiendyrektara Ihara Lašenki. Klučavym pytańniem stała spravazdača pra dziažurstva na minułych vialikich vychodnych, piša viedamasnaja hazieta.
Načalstva źviarnuła ŭvahu na šerah niedachopaŭ i parušeńniaŭ, u pieršuju čarhu źviazanych z kulturaj vytvorčaści, pryčym u biezadkaznym staŭleńni abvinavacili nie tolki šarahovych supracoŭnikaŭ, ale i kiraŭnikoŭ.
Hiendyrektaru dałažyli, što supracoŭniki na vychadnych nasili niedazvolenyja telefony. Za heta pahražajuć zvalnieńniami.
«U vyniku pravierak vyjaŭlenyja fakty našeńnia niedazvolenych telefonaŭ i niesankcyjanavanaje vykarystańnie smartfonaŭ. Nahadajem, takaja biezadkaznaść niasie niebiaśpieku dla ŭsiaho pradpryjemstva i kalektyvu i ciahnie za saboj prymianieńnie strohich dyscyplinarnych mier až da spynieńnia pracoŭnych adnosin», — piša viedamasnaja hazieta «Hrodnienskij chimik».
Karystacca smartfonami na pracy supracoŭnikam «Hrodna Azot» zabaranili jašče letaś. Na zavod možna trapić tolki z knopkavym telefonam z karparatyŭnaj sim-kartaj.
«Hrodna Azot» pastaŭlaŭ svaje ŭhnajeńni va Ukrainu jak nibyta turkmienskija
«Hrodna Azot» raskazaŭ, jak źmianiŭ stratehiju prodažaŭ z-za sankcyj
Hrošy na madernizacyju «Hrodna Azota» daść Rasija
Sim-karty tolki ad MTS i nijakaha mabilnaha internetu. Na «Hrodna Azocie» zabaraniajuć smartfony
«Učora byŭ šuchier». Što adbyvajecca na «Hrodna Azocie» paśla ataki «Kibierpartyzanaŭ»
Kamientary