Palitźniavolenaha ekołaha ź Miadzieła asudzili da 4 hadoŭ kałonii
Sud Miadzielskaha rajona abjaviŭ prysud 48-hadovamu ekołahu Stanisłavu Taspajevu — čatyry hady pazbaŭleńnia voli ŭ kałonii va ŭmovach ahulnaha režymu, a taksama štraf pamieram 200 bazavych vieličyniaŭ (8 000 rubloŭ), piša «Viasna».
Stanisłava Taspajeva pryznali vinavatym u «dyskredytacyi Biełarusi» (art. 369-1 Kryminalnaha kodeksa) i «nieadnarazovym parušeńni paradku arhanizacyi abo praviadzieńnia masavych mierapryjemstvaŭ» (art. 342-2 Kryminalnaha kodeksa). Spravu razhladaŭ sudździa Alaksandr Šutko.
U 2021 hodzie mužčyna ŭžo byŭ asudžany da «chatniaj chimii» pa palityčnych matyvach. Viadoma, što jon maje invalidnaść — raniej u jaho byŭ dyjahnastavanaja ankałohija, ale apošnim časam u Taspajeva była remisija.
Jak paviedamiła pres-słužba prakuratury, Stanisłaŭ źjaŭlajecca administrataram YouTube-kanała «Iniciativa Kurorta Naroċ» (pryznany ekstremisckim 12 červienia 2024 hoda), u jakim
«z sakavika 2017 hoda pa lipień 2024 hoda ŭ 36 paviedamleńniach na videazapisach jon raspaŭsiudziŭ zahadzia iłžyvyja źviestki ab palityčnym, ekanamičnym i sacyjalnym stanoviščy Respubliki Biełaruś, pravavym stanoviščy jaje hramadzian, dziejnaści dziaržaŭnych orhanaŭ, jakija dyskredytujuć krainu pierad nieabmiežavanym kołam asobaŭ».
Akramia taho, paviedamlajecca, što palitviaźnia pryciahvali da administracyjnaj adkaznaści pavodle art. 24.23 KaAP (niesankcyjanavanaje pikietavańnie) trojčy za hod — traŭni, červieni i lipieni 2024 hoda. Pryčynaj stali publikacyi videa z vyjavaj simvoliki ŭ bieła-čyrvona-biełych kolerach. Heta stała padstavaj dla abvinavačvańnia pavodle art. 342-2 KK.
Jak my pisali raniej, kali Stanisłaŭ byŭ mały, siamja pierajechała za 7000 kiłamietraŭ ad Biełarusi. Jany pierasialilisia ŭ siało Małakurylskaje na vostravie Šykatan, jaki ŭvachodzić u šerah Kurylskich astravoŭ. Tam znachodziŭsia najbujniejšy ŭ SSSR rybapierapracoŭčy kambinat. Stanisłaŭ pražyŭ tam 15 hadoŭ i skončyŭ škołu.
Paśla Taspajeŭ viarnuŭsia ŭ Biełaruś. U siaredzinie 1990-ch jon adkryŭ IP u Miadzielskim rajonie. Mužčyna zachaplajecca fatahrafijaj, i heta była adna z krynic jaho dachodu. Zarablaŭ jon i kampjutarnymi pasłuhami. Miarkujučy pa sacsietkach, jašče padpracoŭvaŭ rabočym — naprykład, u 2023 hodzie mantavaŭ rekłamu na biłbordy. Akramia pracy, Stanisłaŭ zajmaŭsia ekałahičnymi prablemami Miadzieła i vakolicaŭ, abaraniaŭ pryrodu.
U sacsietkach jon raskazvaŭ pra Miadzielščynu, a ŭ 2014-m daŭ vialikaje intervju «Anłajnieru», pravioŭšy žurnalistaŭ ściežkami horada i vakolicaŭ. Taksama Stanisłaŭ byŭ rajonnym kaardynataram prajekta «IT-kraina», jaki finansavała IT-kampanija «Biełchard».
Ekołaha Taspajeva ź Miadzieła ciahali pa administratyŭkach — a ciapier za heta ž zaviali i kryminalnuju spravu
Bolš za miesiac praciahvajuć sudzić leśnika z Porazava — jamu pahražaje da 12 hadoŭ za «tysiačy kamientaroŭ»
Prarasijskuju aktyvistku Mirsalimavu vyklikali ŭ RAUS na hutarku pierad vybarami
«Jon nie złomleny». Jak uspryniaŭ prysud 64-hadovy śviatar z Vałožyna, asudžany na 11 hadoŭ
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary