Śviet66

«Karabiel hańby». Adziny avijanosiec Pucina nie mohuć adramantavać treci hod zapar

Niaŭdačy praciahvajuć pieraśledavać ciažki avijanosny krejsier «Admirał Kuźniacoŭ» — adziny avijanosiec u składzie rasijskaha fłotu, jaki dastaŭsia Kramlu ŭ spadčynu ad SSSR. Staŭšy na ramont u 2018 hodzie paśla pachodu da bierahoŭ Siryi, «Admirał Kuźniacoŭ» tak i nie zmoh u termin viarnucca ŭ stroj, a jahonaja budučynia zastajecca niezrazumiełaj, piša The Moscow Times.

Fota: Lev Fedoseyev / TASS

Pieršapačatkova płanavałasia, što pabudavany ŭ 1985 hodzie karabiel, raźličany na bazavańnie i absłuhoŭvańnie 28 samalotaŭ i 24 viertalotaŭ, atrymaje najnoŭšyja sistemy SPA «Pancyr-M», a taksama budzie padrychtavany da vykarystańnia kryłatych rakiet i samanavodnych avijabombaŭ.

Abjadnanaja sudnabudaŭničaja karparacyja abiacała zaviaršyć raboty na 35-m sudnaramontnym zavodzie ŭ Murmansku ŭ 2022 hodzie. Paśla terminy pieranieśli na 2023 hod, paśla — na 2024-y. Ale pa vynikach minułaha hoda pra viartańnie ŭ stroj avijanosca rasijskija ŭłady tak i nie paviedamili.

Paśla adpraŭki ŭ Siryju, jakaja zrabiła «Admirał Kuźniacoŭ» abjektam kpinaŭ z-za śledu čornaha dymu, jaki apanavaŭ nieba nad Atłantykaj, Majkł Fiełan, jaki zajmaŭ tady pasadu ministra abarony Vialikabrytanii, nazvaŭ avijanosiec «karablom hańby».

Amierykanski časopis National Interest pastaviŭ «Kuźniacova» na pieršaje miesca ŭ śpisie najhoršych avijanoscaŭ śvietu, adznačajučy nizkuju jakaść budaŭnictva, drennuju padtrymku i adsutnaść jakich-niebudź «naščadkaŭ» u vyhladzie novych, bolš sučasnych avijanoscaŭ.

Padčas siryjskaha pachodu, u jakim «Kuźniacova» supravadžaŭ buksir praź nizkuju nadziejnaść siłavoj ustanoŭki, avijanosiec straciŭ dva źniščalniki za try tydni, paśla čaho, jak pisaŭ The Telegraph, jahonyja avijakryły pieraviali na naziemny aeradrom.

Pieršaja sproba adramantavać karabiel paśla płavańnia ŭ Siryju skončyłasia katastrofaj. Na zavodzie pad Murmanskam «Admirał Kuźniacoŭ» nie zmoh vyjści z płyvučaha doka, u vyniku čaho na karabiel abrynuŭsia dokavy kran, u jahonaj karmie ŭtvaryłasia dzirka, a sam hihancki dok zatanuŭ.

Praz hod padčas ramontu «Admirała Kuźniacova» ŭźnik pažar, u vyniku jakoha zahinuli dvoje rabočych, a sam karabiel atrymaŭ dadatkovyja paškodžańni. U 2018 hodzie ramont avijanosca ŭłady aceńvali ŭ 20 młrd rasijskich rubloŭ (pavodle tahačasnaha kursu kala 300 młn dalaraŭ).

Kamientary6

  • Dzen
    21.01.2025
    A ja b chacieŭ, kab jon usio ž taki vyjšaŭ u toje mora, dzie jość Magura V5 i jaje siabry.
  • 1
    22.01.2025
    Hałoŭnaje pryznačeńnie hetaha karabla nie vajennaje. Jon patrebien, kab pilić hrošy na jaho remoncie. Tamu, kali terminy buduć padciskać, budzie hareć, tanuć, łamacca, traplać u niaščaści, ale nie kančatkova, tamu što možna budzie ŭkraści jašče
  • Sievier
    23.01.2025
    Protivniku udobno i vyhodno uničtožať płavučije hroby iz mietałła, na bortu kotoroho jeŝio 100-120 samolotov. Eto Entierprajz i Foriestołł ....
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach9

Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach

Usie naviny →
Usie naviny

U Minsku zdaryŭsia čarhovy patop

Šrajbman: Łukašenka bolš prahmatyčny za Pucina10

U Zakarpaćci padletki 13, 14, 16 i 17 hadoŭ zhvałtavali 46-hadovuju žančynu3

Palitviaźniu z Maładziečna, u jakoha niama adnoj nahi, prysudzili 4 hady kałonii1

Błohier-kanśpirołah Virus spyniaje svaju dziejnaść, bo nichto jamu nie danaciŭ13

«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie1

«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy

Zastaŭsia biez parečak. Uładalnik hadavalnika pad Minskam — pra toje, jak nadvorje paŭpłyvała na pracu1

Top-mieniedžarka Astronomer, jakaja abdymałasia z CEO kampanii na kancercie Coldplay, taksama zvolniłasia4

bolš čytanych navin
bolš łajkanych navin

Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach9

Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach

Hałoŭnaje
Usie naviny →

Zaŭvaha:

 

 

 

 

Zakryć Paviedamić