Biełkaapsajuz choča zavablivać klijentaŭ raźmiaščeńniem u siabie punktaŭ vydačy Wildberries ci Ozon
Nie spraŭlajučysia davać rady kankurencyi pa inšych paramietrach, kiraŭnictva Biełkaapsajuza prydumała, jak pryvablivać klijentaŭ prynamsi zachodzić u svaje kramy. Dziela hetaha chočuć raźmiaščać punkty vydačy papularnych rasijskich markietpłejsaŭ, piša Sputnik.
Staršynia praŭleńnia Biełkaapsajuza Inesa Karatkievič zajaviła na pres-kanfierencyi:
«U asobnych rehijonach my razhladajem jak pryciahnieńnie da nas patoku pakupnikoŭ za košt taho, što taksama ŭ našych abjektach my možam adkryvać punkty vydačy taho ž Wildberries abo Ozon».
Pry hetym u niekatorych miescach takija punkty vydačy tavaraŭ nibyta ŭžo pracujuć.
Biełkaapsajuz robić raźlik na toje, što klijent nie tolki zabiare zakaz z markietpłejsa, ale i kupić što-niebudź ułasna ŭ jaje kramie. Naprykład, heta mohuć być pradukty charčavańnia.
Ciapier, pavodle Karatkievič, sietka Biełkaapsajuza absłuhoŭvaje 13 800 nasielenych punktaŭ, ź jakich bolš čym u 5 tysiačach žyvie tolki da 10 čałaviek.
«Heta vydatki, jakija nie akupajucca, i pavinny być niejkija kampiensacyjnyja miery na ich pakryćcio», — zajaviła kiraŭnica Biełkaapsajuza.
Prapanavany joj raniej zbor z rytejłu na karyść sielskaha handlu vyrašyli ŭsio ž nie ŭvodzić.
«Pieraaryjentavać biznes na pracu z ajčynnym sekand-chendam». Ułady šukajuć rady na zachodnija sankcyi
Biełkaapsajuzu daduć novyja kredyty
Kiraŭnica Biełkaapsajuza prapanuje, kab inšyja handlovyja sietki adličvali pracenty «na sielski handal»
«Jurka. Jajki, chleb, małako, kaŭbasa — 37 rub». Čamu ŭ biełaruskich vioskach kvitnieje handal «na veksal»?
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary