Barbadas i Panama zabiaruć svaje ściahi ŭ bolš čym 100 tankieraŭ cieniavoha fłotu Pucina
Da sankcyj viadučych zachodnich krain suprać Rasii stali dałučacca nievialikija, ale ŭpłyvovyja ŭ śviecie marskoha sudnachodstva dziaržavy. Jany majuć namier zabrać svaje ściahi ŭ dziasiatkaŭ tankieraŭ, jakija pieravoziać rasijskuju naftu, piša The Moscow News.
Sudnavy rejestr Barbadasa paviedamiŭ, što da kanca studzienia zapatrabuje ad 46 sudoŭ źniać svoj ściah, bo jany apynulisia pad sankcyjami Vialikabrytanii, paviedamlaje Bloomberg. Rejestr viadziecca ŭ Łondanie, i, pa słovach jaho hienieralnaha dyrektara Džavani Čynilja, u Barbadasie sankcyi suprać Rasii nie dziejničajuć, ale jon trymajecca pravił Vialikabrytanii praz dobryja adnosiny pamiž dźviuma dziaržavami.
Pry hetym Barbadas nie budzie zdymać svoj ściah z tankieraŭ, jakija trapili pad sankcyi ZŠA, kali jany nie znachodziacca pad sankcyjami Vialikabrytanii. Ale z 46 sudnaŭ, jakija trapili pad zabaronu, 14 taksama znachodziacca pad amierykanskimi abmiežavańniami.
Marskoje ŭpraŭleńnie Panamy niadaŭna paviedamiła, što pačynaje vyklučeńnie z sudnavaha rejestra 68 sudoŭ, jakija trapili pad sankcyi ZŠA. Takoje rašeńnie było pryniata paśla taho, jak u kancy minułaha hoda Panama pryniała praviła ab prytrymlivańni sankcyj ZŠA, Jeŭrasajuza, Vialikabrytanii i AAN. Tady ž jana adabrała svoj ściah u čatyroch ZPH-tankieraŭ, jakija naležali sinhapurskim kampanijam i byli źviazanyja z prajektam «Arktyk ZPH 2», suprać jakoha ŭviali sankcyi ZŠA.
Barbadas ličycca adnoj z samych aŭtarytetnych dziaržaŭ śvietu, jakija dajuć rehistracyju dla sudnaŭ. Krainy, jakija dazvalajuć płavać pad svaim ściaham, hrajuć klučavuju rolu ŭ zabieśpiačeńni standartaŭ biaśpieki na mory.
Praz sankcyi rasijskim karablam usio čaściej davodzicca pierarehistroŭvacca ŭ addalenych jurysdykcyjach i mianiać uładalnikaŭ, kab ich było składana adsačyć. Zhodna z marskoj bazaj danych Equasis, niekatoryja sudny, vyklučanyja z rejestra Barbadosa, užo zarehistravalisia ŭ inšych krainach, uklučajučy takija afrykanskija dziaržavy, jak Tanzanija i San-Tame i Prynsipi.
Choć bolšaść, kali nie ŭsie sudny znachodziać novyja miescy dla rehistracyi, patreba dla ich pastajanna chavacca pavialičvaje vydatki, uskładniaje łahistyku i pazbaŭlaje karabli jakasnych pasłuh.
Indyja śledam za Kitajem admaŭlajecca prymać rasijskija padsankcyjnyja tankiery
Rasijski tankier straciŭ kiravańnie i drejfuje kala niamieckaha vostrava
ZŠA vymusili Kitaj zakryć svaje bujnyja porty dla rasijskaha «cieniavoha fłotu»
Vialikabrytanija ŭviadzie šyrokamaštabnyja sankcyi suprać «cieniavoha fłotu» Rasii
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij28
Kamientary