U Łojevie adnu i tuju ž žančynu sfatahrafavali ź biuleteniem na roznych vybarčych učastkach
Nie palenavałasia prahulacca, kab prahałasavać dvojčy. Na publikacyi ŭ haziecie «Łojeŭski kraj» źviarnuła ŭvahu «Radyjo Svaboda».
Hazieta Łojeŭskaha rajvykankama «Łojeŭski kraj» apublikavała adrazu niekalki repartažaŭ, zroblenych na roznych učastkach dla hałasavańnia. U publikacyjach možna zaŭvažyć ludziej, jakija pryjšli tudy, kab, jak vynikaje z podpisaŭ da zdymkaŭ, prahałasavać.
Abodva teksty supravadžajuć fotarepartažy, na jakich možna zaŭvažyć sfatahrafavanuju kala urny dla hałasavańnia adnu i tuju ž žančynu ŭ šeraj šapcy, čornaj kurtcy i z zaplečnikam u rukach. Taksama jana trymaje ŭ ruce pašpart.
Repartažy apublikavany ŭ telehram-kanale vydańnia «Łojeŭski kraj» z roźnicaj u paŭtary hadziny (u 10.04 i ŭ 12.20). Pieršy — z haradskoha centra kultury, druhi — z budynka siaredniaj škoły №2 imia Kazłova. Pamiž budynkami kala 2 kiłamietraŭ, hetu adlehłaść možna pieraadoleć pieššu prykładna za paŭhadziny.
Zhodna ź biełaruskim zakanadaŭstvam adzin i toj ža hramadzianin Biełarusi na lubych vybarach i refierendumach moža prahałasavać tolki adzin raz i na adnym vybarčym učastku, paŭtornaje hałasavańnie zabaroniena. Sačyć za vykanańniem hetaha abaviazany pradstaŭniki vybarčych kamisij.
Vydańnie «Fłahštok» apaznała žančynu na fota. Heta supracoŭnica miascovaj balnicy — Śviatłana Makarava (dziavočaje proźvišča Šumihaj). (Pieršapačatkova «Fłaštok» davaŭ inšuju infarmacyju ab jaje miescy pracy, ale paźniej vypraviŭ).
-
«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie
-
«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy
-
Zastaŭsia biez parečak. Uładalnik hadavalnika pad Minskam — pra toje, jak nadvorje paŭpłyvała na pracu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu39
Kamientary