Łukašenka zajaviŭ, što kali atrymaje rasijski «Arešnik», to pastavić jaho bližej da Smalenska
«Kali ja skazaŭ «10 kompleksaŭ», ja pažartavaŭ. Dastatkova adnaho».
Alaksandr Łukašenka zajaviŭ, što kali atrymaje rasijski rakietny kompleks «Arešnik», to raźličvaje raźmiaścić jaho na terytoryi Biełarusi bližej da Smalenska.
«Tudy, bližej da Smalenska. Ja tak maru. A tam pahladzim. Treba peŭnuju adlehłaść. Drenna, kali tvaje abjekty paražeńnia vielmi blizka. Ale i kali vielmi daloka, mienšuju nahruzku jany mohuć nieści. Tamu ja razhladaju dzieści kala vas [Rasii]. Tym bolš heta ž ahulnaja zbroja. Ale ja nie kažu, što pad Smalenskam. Ja prosta ciapier tak dumaju», — skazaŭ Łukašenka padčas pres-kanfierencyi 26 studzienia.
Łukašenka dadaŭ, što terminy pastaŭki ŭ Biełaruś «Arešnika» jany z Pucinym nie vyznačyli.
«Pa-pieršaje, heta nie haryć. Ja, viadoma, razumieju, što i ŭ Rasii «Arešnik» hety patrebny i hetak dalej. Nu i potym, heta nie tak prosta. Kali ja skazaŭ «10 kompleksaŭ», ja pažartavaŭ. (…) Dastatkova adnaho kompleksu «Arešnika», kab zaścierahčy Biełaruś».
Jon zajaviŭ, što choča zavieźci «Arešnik» u Biełaruś nibyta ŭ adkaz na mahčymaść raźmiaščeńnia amierykanskich rakiet siaredniaj dalokaści ŭ Jeŭropie.
«Tamu kali jany admoviacca ad hetaha, tady ja starejšamu bratu skažu: «Davaj pačakajem». Usio roŭna, buduć jany ŭ Smalensku ci ŭ Oršy. Dla nas nie važna. A nam važna, kab amierykanskija rakiety siaredniaj dalokaści nie patrapili na terytoryju Jeŭropy, tamu što jany mohuć być abstalavanyja i jadziernym kampanientam. Kali kazać adkryta», — kazaŭ Łukašenka.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary