Alimpijskaja čempijonka Nadzieja Skardzina pakazała ŭ instahramie, što jaje starejšy syn pačaŭ zajmacca bijatłonam.
Tydzień tamu alimpijskaja čempijonka Nadzieja Skardzina padzialiłasia ŭ instahramie radaściu: jaje 5-hadovy syn Daniił upieršyniu staŭ na łyžy. Adbyłosia heta ŭ Pizole — hornym kurorcie ŭ Šviejcaryi.
«Dziadula — vydatny trenier», — napisała viadomaja bijatłanistka.
A ŭčora spartsmienka pakazała ŭ sacsietkach, što chłopčyk užo sprabuje stralać pa mišeniach. Na fota bačny banery Grand Prix Migros — heta nazva najbujniejšaj dziciačaj łyžnaj honki ŭ śviecie. Sa studzienia pa sakavik pa ŭsioj Šviejcaryi projdzie 10 kvalifikacyjnych honak, a taksama finał u Davosie. Ale naŭrad ci Daniił prymaje ŭ joj udzieł, bo ŭzrost maleńkich spartsmienaŭ składaje ad 8 da 16 hadoŭ.
Sama Nadzieja Skardzina, jakaja maje ŭ svajoj skarboncy alimpijskija zołata i bronzu, skončyła spartyŭnuju karjeru ŭ 2018 hodzie. U 2019 hodzie jana vyjšła zamuž za šviejcarskaha łyžnika i bijatłanista Marcina Jehiera. U tym ža hodzie naradziła pieršaha syna Daniiła. Letaś u pary naradziŭsia druhi syn, jakoha nazvali Rafaelem. Siamja žyvie ŭ Šviejcaryi.
Nahadajem: u kastryčniku 2020 hoda Skardzina stała 1000-j padpisantkaj adkrytaha lista spartsmienaŭ za sumlennyja vybary. Jana taksama vielmi emacyjanalna adreahavała na zatrymańnie Mikity Domračava — rodnaha brata svajoj siabroŭki i byłoj partniorki pa kamandzie Darji.
Čas ad času ŭ instahramie źjaŭlajucca sumiesnyja fota Domračavaj i Skardzina. Apošni raz jany razam dałučylisia da dabračynnaha čelendžu, kab dapamahčy sabrać hrošy ciažka chvoraj dačce biahuchi Maryny Arzamasavaj.
Ciapier čytajuć
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary