U sioletniuju viasnu pasažyry haradskich maršrutnych taksi ŭ Babrujsku «zajechali» z novymi cenami. Z 1 sakavika cana prajezdu pavialičyłasia na 30 kapiejek, i ciapier adna pajezdka kaštuje 1 rubiel 80 kapiejek. Prytym vyhladaje, što pierahlad cany staŭ niečakanaściu nie tolki dla pasažyraŭ, ale i dla kiroŭcaŭ, piša miascovaje vydańnie «Kommierčieskij kuŕjer».
Apošni raz haradskija maršrutki ŭ Babrujsku daraželi ŭ pačatku vieraśnia 2023 hoda, to-bok paŭtara hoda tamu. A novy prajs staŭ niečakanaściu nie tolki z-za istotnaści pavyšeńnia.
Vyhladaje, što nie čakali padaražeńnia i pieravozčyki, bo nie paśpieli padrychtavać stykieraŭ z novaj canoj. Subotniaj ranicaj sustretyja ŭ horadzie mikraaŭtobusy infarmavali pasažyraŭ abo ŭručnuju adredahavanymi prejskurantami, abo śpiecham razdrukavanymi listkami z abnoŭlenymi ličbami, a to i zusim napisanymi ad ruki.
«Sami tolki ŭ piatnicu ŭviečary daviedalisia pra padaražańnie, — raskazaŭ kiroŭca adnaho ź mikraaŭtobusaŭ, — Ciapier stracim pracentaŭ 30-40 pasažyraŭ. Mnohija, viadoma, potym viernucca. Ale niejki čas daviadziecca jeździć paŭpustymi».
Pracent straty pasažyraŭ paćvierdziŭ i jahony kaleha:
«Paśla kožnaha padaražańnia nie daličvajemsia ludziej. A kali jašče i aŭtobusy z tralejbusami buduć trymać ciapierašniuju canu ŭ 80 kapiejek, to jeździć na maršrutkach stanie zusim niavyhadna. Roźnica bolš čym u dva razy».
Amal usie kiroŭcy, z kim udałosia pahutaryć žurnalistam, nie bačać pieradumoŭ da pavyšeńnia koštu prajezdu. Cana na paliva trymajecca amal vosiem miesiacaŭ — apošni raz jano daražeła 9 lipienia minułaha hoda. Dalar, da jakoha pryviazanyja ceny na zapčastki i raschodniki, uvohule apošnim časam upaŭ. Tolki adzin kiroŭca skazaŭ, što nibyta źbiralisia pavyšać taryfy jašče z Novaha hoda, ale tam (pakazaŭ palcam uvierch) nie dazvolili.
Jašče bolšaj niečakanaściu novy taryf staŭ dla pasažyraŭ:
«U mianie muž maršrutčyk. I, jak jon mnie kazaŭ, pieravozčyki da apošniaha sprabavali trymać canu 1,50 rubla. Ale nie ŭsio ad ich zaležyć», — šmatznačna skazała babrujčanka pa imieni Alena.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary