Alaksandr Łukašenka pastaviŭ pierad ajčynnymi śpiecyjalistami pytańnie ab najaŭnaści ŭ krainie redkaziamielnych mietałaŭ. Adpaviednuju zajavu jon zrabiŭ 4 sakavika, prymajučy kadravyja rašeńni, piša BiełTA.
Łukašenka zrabiŭ akcent na hieołaharaźviedcy. «Aktualnaja tema, — padkreśliŭ Alaksandr Łukašenka. — Z pryčyny viadomych abstavinaŭ ciapier va ŭsiaho śvietu na słychu tema zdabyčy redkaziamielnych materyjałaŭ. Kažuć, što ŭ nas u advałach jość redkaziamielnyja minierały. Treba vyviedać i astatniaje: i chimija, i nafta, i haz, i inšaje. Ja staviŭ adpaviednuju zadaču pierad adpaviednym ministram», — skazaŭ jon.
Łukašenka źviarnuŭ uvahu, što hieołaharaźviedka ŭ krainie raźvita niedastatkova, znachodzicca na nizkim uzroŭni. A tematyka pošuku redkaziamielnych mietałaŭ vypadaje z pola zroku ajčynnych śpiecyjalistaŭ.
«Redkaziamielnyja mietały vyhavorvaje tolki Tramp u Złučanych Štatach Amieryki. Vy nad hetym pakul nie zadumvalisia. Ich šmat nie byvaje ŭ ziamli. Moža, u nas nie mienš, čym u inšych?» — dadaŭ Łukašenka.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary