U Nacbanku nazvali siaredniuju sumu, jakuju biełarusy biaruć u kredyt
Pavodle danych Kredytnaha rehistra, na jaki spasyłajecca Nacbank Biełarusi, u 2024 hodzie nazirałasia maksimalnaje za apošnija čatyry hady pavieličeńnie sumy kredytaŭ — na 7 miljardaŭ rubloŭ.
Pry hetym kolkaść kredytnych damovaŭ pamiž bankami i fizičnymi asobami ŭ paraŭnańni z 2023 hodam pavialičyłasia na 166,7 tysiačy i na 1 studzienia hetaha hoda dasiahnuła 5,1 miljona damovaŭ. Ahulnaja suma kredytaŭ pa ich skłała 38,9 miljarda rubloŭ.
Asnoŭnymi kredytaatrymalnikami ŭ Biełarusi źjaŭlajucca ludzi va ŭzroście ad 26 da 45 hadoŭ — ich 51%.
Na biełarusaŭ z hetaj uzrostavaj hrupy prypadaje bolš za pałovu ŭsich zaklučanych damovaŭ i kala dźviuch treciaŭ ahulnaj sumy kredytaŭ.
Taksama była nazvana siaredniaja suma, na jakuju hatovyja kredytavacca biełarusy — 7,6 tysiačy rubloŭ.
Amal pałova kredytnych damovaŭ zaklučajecca fizičnymi asobami na termin da 5 hadoŭ — 49%.
Kamientary