U minskich kramach stała mienš pradavacca biełaruskich praduktaŭ
U staličnych kramach fiksujecca skaračeńnie prysutnaści praduktaŭ charčavańnia biełaruskaj vytvorčaści. Vypraŭlać situacyju haradskija ŭłady majuć namier u tandemie z bujnymi handlovymi sietkami, piša Myfin.by.
Jak paviedamlajecca, namieśnik staršyni Minharvykankama Nadzieja Łazarevič padčas narady, pryśviečanaj vynikam 2024 hoda, źviarnuła ŭvahu na nievialikaje źnižeńnie ŭ stalicy doli biełaruskich charčovych tavaraŭ u roźničnym prodažy.
Pavodle słoŭ čynoŭnicy, udzielnaja vaha ajčynnych charčovych tavaraŭ u roźničnym tavaraabarocie Minska źniziłasia na 0,9 pracenta.
Pry hetym pa niekatorych hrupach tavaraŭ, uklučajučy mučnyja i cukrystyja vyraby, makarony i krupy, padzieńnie jašče bolš istotnaje, a dla dziciačaha charčavańnia jano skłała 6%.
Łazarevič zajaviła, što situacyju pavinny vypravić sumiesnyja apieratyŭnyja miery administracyj rajonaŭ i bujnych handlovych sietak. Siarod ahučanych prapanoŭ — zabiaśpiečyć pryjarytetnuju vykładku ajčynnych tavaraŭ, u tym liku ŭ prykasavaj zonie, a taksama vydzialeńnie nie mienš za 60% prastory na palicach kram dla biełaruskich praduktaŭ.
Namieśnica kiraŭnika Minska adznačyła, što pa niekatorych hrupach tavaraŭ nazirajecca «zasille vytvorčaści ź inšych krain», što vyklikaje rasčaravańnie z pryčyny najaŭnaści bujnych ajčynnych pradpryjemstvaŭ, jakija vypuskajuć anałahičnuju pradukcyju.
«Vybačajcie, ale kali ty prychodziš u kramu i bačyš piernik, vyrableny nie ŭ Respublicy Biełaruś, kali taki abjom vytvorčaści ŭ nas u krainie. Viadoma ž, vyklikaje šmat pytańniaŭ», — skazała Łazarevič.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary
V odnoj partii vafli blednyje i na vkus kak opłatka, a v druhoj vafli horiełyje.
Pajšoŭ u jevroopt. A tam "małočny falvarak" (kali nie błytaju), zroblena ŭ Orienburhie o_O