Hramadstva1010

Z aficyjnaj bijahrafii Turčyna na sajcie Saŭmina vydalili infarmacyju pra nieviadomyja 5 hadoŭ jaho žyćcia ŭ 90-ja

Mienš za sutki pravisieła aficyjnaja bijahrafija niadaŭna pryznačanaha premjer-ministra Biełarusi Alaksandra Turčyna na sajcie ŭrada. Paśla publikacyi jaje na sajcie Reform.news bijahrafiju spačatku vydalili, a zatym viarnuli ŭsiečany varyjant. Što ž tam było takoha?

Alaksandr Turčyn. Fota: «Naša Niva»

Paśla naznačeńnia Alaksandra Turčyna premjeram Biełarusi ŚMI apublikavali jaho bijahrafiju.

Žyćciovy šlach novaha kiraŭnika ŭrada vyhladaje viertykalnym uźlotam z samych nizoŭ. Adnak uvažlivy naziralnik moh zaŭvažyć dziŭny prabieł pamiž dataj zakančeńnia škoły ŭ 1992 hodzie i pačatkam pracoŭnaj dziejnaści ŭ 1997 hodzie.

Alaksandr Turčyn naradziŭsia ŭ Navahrudku 2 lipienia 1975 hoda.

Jaho maci pracavała miedykam, a baćka byŭ važnym čynoŭnikam — były školny nastaŭnik Hienrych Stanisłavavič staŭ zahadčykam arhanizacyjnaha adździeła ŭ harkamie partyi, a zatym kiraŭnikom spraŭ u rajvykankamie.

«Salidarnaść», jakaja ŭ svoj čas zajmałasia bijahrafijaj Turčyna, piša, što budučy premjer-ministr skončyŭ siaredniuju škołu №4 sa srebnym miedalom i Navahrudski dziaržaŭny handlova-ekanamičny technikum. Zatym baćka pa znajomstvie prystroiŭ jaho dyrektaram praduktovaj kramy kałhasu «Avanhard». Alaksandru było tady 22 hady, to-bok havorka idzie ab 1997 hodzie.

«Prapracavaŭ Alaksandr Turčyn u kramie niadoŭha — hod-paŭtara. Nieŭzabavie jon uładkavaŭsia hałoŭnym kantraloram-revizoram upraŭleńnia Ministerstva finansaŭ pa Navahrudskim rajonie, a zatym pa Hrodzienskaj vobłaści» , — piša «Salidarnaść».

Dalej karjera budučaha premjera prachodziła ŭžo navidavoku, i nijakich sakretaŭ u hetym pieryjadzie niama. Ale davajcie ŭsio ž vierniemsia ŭ 90-ja.

Paśla pryznačeńnia na pasadu kiraŭnika ŭrada na sajcie Saŭmina Biełarusi źjaviłasia, narešcie, adnosna poŭnaja aficyjnaja bijahrafija, zaŭvažyli žurnalisty Reform.news. 

Akazvajecca, u 1992 hodzie Saša Turčyn pastupiŭ u Mahiloŭski mašynabudaŭničy instytut, ale praz try hady jaho kinuŭ. Nijakaj infarmacyi ab tym, što jon skančaŭ technikum, niama.

Potym dva hady jon nie rabiŭ ničoha — byŭ biespracoŭnym na ŭliku ŭ Navahrudskim centry zaniataści Hrodzienskaj vobłaści. Pa nieviadomaj pryčynie Turčyn taksama nie pajšoŭ u vojska.

Jaho pieršym miescam pracy była zusim nie krama ŭ kałhasie «Avanhard», a Navahrudski rajvykankam, dzie pracavaŭ jaho baćka. Tam Saša 7 miesiacaŭ ličyŭsia vartaŭnikom.

I tolki potym uładkavaŭsia dyrektaram u kramu.

U 2002 hodzie jon skončyŭ Biełaruski dziaržaŭny ekanamičny ŭniviersitet, u 2009 hodzie — Akademiju kiravańnia pry prezidencie Respubliki Biełaruś.

Tolki zrabiŭ jon heta zavočna, tamu što praciahvaŭ pracu kantraloram-revizoram u rehijanalnym upraŭleńni Minfina.

Dziŭna, što hetyja staronki bijahrafii Alaksandra Hienrychaviča ŭspłyli tolki zaraz. Stvarajecca ŭražańnie, što jon ich saromiejecca. 

Bolš za toje, padrabiaznaja bijahrafija pravisieła litaralna niekalki hadzin, i paśla publikacyi na REFORM.news była vydalena.

Siońnia pres-słužba ŭrada prapanavała novy varyjant —infarmacyja ab vučobie ŭ mahiloŭskaj VNU, biespracoŭnym pieryjadzie i pracy vartaŭnikom adsutničaje.

Ciapier žyćciovy šlach Alaksandra Turčyna pačynajecca ŭ 1997 hodzie ŭ jakaści dyrektara mahazina kałhasa «Avanhard». Što rabiŭ novy premjer da 22 hadoŭ — znoŭ tajamnica.

Kamientary10

  • Josik
    12.03.2025
    Kali hałoŭny nieviadoma čym zajmaŭsia, dyk čamu padnačalenych nie rabić pravilnymi łukašystami.
  • ::
    12.03.2025
    Niečiem hordiťsia.
  • Pratekcyja
    12.03.2025
    Značyć tatka prapichvaŭ. Tak i zapišam.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić