Prablemy ź vizami na kancert Karža ŭ Varšavie — biełarusy atrymlivajuć admovy pa niezrazumiełych pryčynach
9 žniŭnia 2025 hoda Maks Korž adyhraje kancert u Varšavie, i biełarusy ŭžo kinulisia rabić vizy ŭ Polšču. Ale ŭžo jość vypadki, kali ludzi admaŭlajucca ad kvitka, bo nie mohuć atrymać vizu.
U adnym sa śpiecyjalnych čataŭ, pryśviečanych atrymańniu vizy na kancert, užo niekalki dzion publikujuć vyniki padačy. Pakul što kolkaść admovaŭ składaje 40% ad usich atrymanych adkazaŭ, i karystalniki prychodziać da vysnovy, što heta nie vypadkovaja situacyja — admovaŭ sioleta budzie značna bolš, čym raniej.
Havorka zbolšaha idzie pra hrečaskija vizy, jakija sprabavali atrymać z metaj «turyzmu». Aficyjnyja pryčyny admovaŭ — toje, što pretendenty na vizu byccam niedastatkova abhruntavali metu i ŭmovy padarožža, a taksama nie dakazali najaŭnaść dastatkovych srodkaŭ na čas padarožža. Ź inšaha boku, u niastačy srodkaŭ abvinavačvali, naprykład, pretendentku z bolš čym 2000 na rachunku.
Ciapier samyja adčajnyja hatovyja padavać zajaŭku na ispanskuju ci italjanskuju vizu — za apošniuju možna addać ažno 2500 rubloŭ, zatoje, kažuć, vierahodnaść admovy budzie małaja. Inšy varyjant — maryć pra kancert Maksa Karža ŭ Kazachstanie: choć i daloka, zatoje viza nie patrebnaja.
Niekatoryja biełarusy prosta vyrašajuć admovicca ad kancerta i pradać kvitok. Na anłajn-płatformie «Kufar» užo šmat prapanovaŭ nabyć kvitok na Karža, i cana dachodzić ažno da 900 rubloŭ.
U niekatorych abjavach adkryta kažuć — kvitok pradajecca praz admovu ŭ vizie:
«Pradaju pa pryčynie — nie adkryli vizu, na žal».
«Pradaju pa pryčynie prablem z afarmleńniem vizy».
«Naša Niva» — bastyjon biełaruščyny
PADTRYMAĆ
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
prasili sankcyjaú ? - atrymali