Jedu na kancert Karža ŭ Varšavu — u mianie nie budzie prablem u Biełarusi?
9 žniŭnia 2025-ha Maks Korž źbiraje stadyjon u Varšavie. Usie kvitki pradadzienyja, ale niekatoryja biełarusy chvalujucca — ci biaśpiečna iści na kancert śpievaka, jaki trapiŭ u Biełarusi ŭ čornyja śpisy i atrymlivaŭ pahrozy ad HUBAZiKa? Spytalisia ŭ jurystaŭ servisu biaspłatnaj i ananimnaj jurydyčnaj dapamohi legalhub.help.
Pa zakonie, kali hramadzianin Biełarusi naviedaje žnivieński kancert śpievaka ŭ Varšavie, heta nie budzie pravaparušeńniem.
Pavodle słovaŭ jurystaŭ, zabarony na dziejnaść peŭnych artystaŭ datyčać tolki ich kancertaŭ na terytoryi Biełarusi i nie majuć jurydyčnaj siły za jaje miežami. Rašeńnie naviedać kancert Maksa Karža ŭ Varšavie nie padpadaje pad dziejańnie biełaruskaha zakanadaŭstva.
Ale jurysty rekamiendujuć sačyć za mahčymymi abviestkami ŭładaŭ pra novyja źmieny ŭ zakanadaŭstvie, datyčnyja naviedvańnia mierapryjemstvaŭ za miažoj krainy.
Naprykład, kali niejki artyst ci kalektyŭ pryznany «ekstremisckim farmavańniem», naviedvańnie kancerta mohuć razhladać jak «finansavańnie ekstremisckaj dziejnaści».
Jašče adna parada — vykonvać na kancercie ahulnyja miery biaśpieki i rekamiendacyi arhanizataraŭ i miascovych uładaŭ. Varta pamiatać i pra ličbavuju biaśpieku: praściej kažučy, pierad viartańniem u Biełaruś prybiarycie ŭsio ryzykoŭnaje z vašych hadžetaŭ.
«Naša Niva» — bastyjon biełaruščyny
PADTRYMAĆCiapier čytajuć
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi11
Kamientary
I jedinstviennyj pravilnyj i on žie samyj korotkij otviet: mohut byť.
O čiem pisať staťju?