Na hety momant uzrost hetaj sacyjalnaj hrupy ŭ krainie zakanadaŭča vyznačany ad 14 da 31 hoda, ale zhodna z kłasifikacyjaj SAAZ, maładymi ličacca ludzi da 44 hadoŭ.
Uzrostavyja miežy maładości ŭ Biełarusi mohuć być pašyrany da 35 hadoŭ — hetaje pytańnie znachodzicca na etapie abmierkavańnia, paviedamiła «Sputniku» namieśnica ministra adukacyi Kaciaryna Piatruckaja.
«Hetaje pytańnie znachodzicca ŭ raspracoŭcy, skažam tak. Tryccać adzin hod dla moładzi — na moj pohlad, užo dastatkova. (Ale) pracujem nad hetym pytańniem, abmiarkoŭvajem, isnujuć roznyja punkty hledžańnia. Pieryjadyčna hetaje pytańnie ŭzdymajecca», — skazała jana, adkazvajučy na adpaviednaje pytańnie Sputnik u kułuarach patryjatyčnaha forumu moładzi Sajuznaj dziaržavy, jaki adkryŭsia ŭ Minsku 19 sakavika.
Raniej takuju inicyjatyvu vykazali pradstaŭniki Maładziožnaha parłamienta Biełarusi. Pavodle ich mierkavańnia, pavieličeńnie ŭzrostu moładzi da 35 hadoŭ spraviadlivaje na fonie pavyšeńnia piensijnaha ŭzrostu. Taksama pryvodziŭsia i taki arhumient: mnohija pary stvarajuć siemji, naradžajuć dziaciej, kali im užo za 30 hadoŭ. Pry hetym muž i žonka ŭžo nie majuć statusu maładoj siamji, a značyć, pazbaŭlenyja roznych ilhot.
Pavodle Biełstata na 1 studzienia 2024 hoda, kolkaść maładych ludziej u krainie składała 1 628 339 čałaviek — amal 18% nasielnictva krainy.
Zhodna z kłasifikacyjaj uzrostaŭ SAAZ, maładymi ličacca ludzi da 44 hadoŭ. Tyja, kamu 45-59 hadoŭ, adnosiacca da siaredniaha ŭzrostu, 60—74 hady — da pažyłoha, 75—90 — da staraści. Pieryjad daŭhalećcia nadychodzić u tych, chto pražyŭ bolš za 90 hadoŭ.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary