Što rabić, kali chočaš pravieźci ŭ Biełaruś kvietki, raśliny ci nasieńnie? Ci mahčyma heta ŭvohule, a kali tak — ci treba zapaŭniać niejkija dakumienty? Adkazy na hetyja pytańni dali ŭ Dziaržaŭnym mytnym kamitecie.
Jak piša BIEŁTA, kali vy ŭvozicie ŭ krainu raśliny, to treba iści praz čyrvony kalidor, paśla čaho spatrebiacca zapaŭnieńnie pasažyrskaj mytnaj dekłaracyi i prachadžeńnie fitasanitarnaha dy mytnaha kantrolu.
Nasieńnie i pasadačny materyjał možna ŭvozić tolki ź fitasanitarnym siertyfikatam ad upaŭnavažanaha orhana krainy-eksparciora abo reeksparciora, niezaležna ad vahi. Heta tyčycca nasieńnia, pładoŭ, častak raślin dla razmnažeńnia, bulby i materyjałaŭ dla navukovych daśledavańniaŭ.
Bieź siertyfikata možna ŭvozić da 5 kh pradukcyi tak zvanaj vysokaj fitasanitarnaj ryzyki. Siudy ŭvachodziać harodnina, sadavina, hryby, zielanina, arechi i inšaja pradukcyja. Taksama biez dakumientaŭ možna pravieźci adnu dyniu, kavun abo harbuz, a taksama da 3 bukietaŭ zrezanych kvietak.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary