Pradstaŭnictva Interpała ŭ Sarajevie vydała ordar na aryšt prezidenta Respubliki Sierbskaj u składzie Bośnii i Hiercahaviny Miłarada Dodzika, piša Rasijskaja słužba Radyjo Svaboda.
Dodzik, viadomy svajoj pazicyjaj za adździaleńnie Respubliki Sierbskaj, abvinavačvajecca pa artykule Kryminalnaha kodeksa «Pasiahańnie na kanstytucyjny ład Bośnii i Hiercahaviny».
Niahledziačy na ŭnutrany ordar na aryšt i vyklik na dopyt, u pačatku tydnia Dodzik pierasiek miažu z susiedniaj Sierbijaj, a zatym nakiravaŭsia ŭ Izrail, dzie ŭdzielničaje ŭ kanfierencyi ŭ Jerusalimie.
U lutym sud u Sarajevie zavočna prysudziŭ Dodzika da adnaho hoda pazbaŭleńnia voli i zabaraniŭ jamu zajmacca palityčnaj dziejnaściu na praciahu šaści hadoŭ. Jon byŭ pryznany vinavatym u ihnaravańni rašeńniaŭ Kanstytucyjnaha suda i vysokaha pradstaŭnika mižnarodnaj supolnaści Kryścijana Šmita, jaki vykonvaje ŭ Bośnii funkcyi źniešniaha kiraŭnika.
Kryminalny pieraśled Miłorada Dodzika pačaŭsia paśla taho, jak u 2023 hodzie jon padpisaŭ zakon, zhodna ź jakim rašeńni Kanstytucyjnaha suda Bośnii i dekrety vysokaha pradstaŭnika nie buduć prymianiacca na terytoryi Respubliki Sierbskaj.
Paśla vyniasieńnia prysudu Dodzik nie pryznaŭ vinu i sadziejničaŭ pryniaćciu zakonaŭ, jakija zabaraniali fiederalnaj palicyi i pradstaŭnikam sudovaj sistemy ŭvachodzić na terytoryju Respubliki Sierbskaj. Hetyja zakony paźniej byli admienieny Kanstytucyjnym sudom Bośnii i Hiercahaviny.
-
ZŠA pracujuć nad miescam sustrečy Trampa, Pucina i Zialenskaha ŭ kancy nastupnaha tydnia
-
Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
-
«Ja nie dyktatar, mnie ŭ hałavu nie pryjdzie źmianiać Kanstytucyju». Prezident Sierbii Vučyč zajaviŭ, što nie pojdzie na treci termin
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju13
Kamientary