Na sajcie Viarchoŭnaha suda ŭžo amal miesiac nie vystaŭlajuć raskłady sudovych pasiadžeńniaŭ. I heta naŭrad ci vypadkova
«Sajt časova niedastupny, viaducca rehłamientnyja raboty». Takuju abjavu z 5 sakavika možna ŭbačyć na sajcie Viarchoŭnaha suda Biełarusi, kali pasprabavać adkryć raździeł «Raskład pasiadžeńniaŭ». Taksama z sajta źnik raździeł «Śpiecyjalnaje viadzieńnie», u jakim publikavali nie tolki papiaredniuju infarmacyju pra zavočnyja sudy nad tymi, chto nie žyvie ŭ Biełarusi, ale i vynikovyja častki prysudaŭ, zaŭvažyła «Radyjo Svaboda».
U raździele «Raskład pasiadžeńniaŭ» na sajcie Viarchoŭnaha suda bolš za 5 hadoŭ raźmiaščali raskłady sudovych pracesaŭ va ŭsich sudach Biełarusi, paviedamlali proźviščy padsudnych, inkryminavanyja im artykuły, proźviščy sudździaŭ.
Pravaabaronca z «Viasny» i były palitźniavoleny Leanid Sudalenka skazaŭ «Radyjo Svaboda», što jon nie vieryć u abvieščanuju Viarchoŭnym sudom aficyjnuju pryčynu — «rehłamientnyja raboty». I heta nie tolki tamu, što prajšło ŭžo dastatkova času, kab adnavić pracu sajta ŭ poŭnym abjomie.
«Amal miesiac minuŭ, kali b chacieli, to daŭno b zaviaršyli tyja «rehłamientnyja raboty», ale hetaha nie adbyłosia. Tamu, dumaju, sprava ŭ inšym: ułady vyrašyli maksimalna schavać infarmacyju pra toje, što ŭ Biełarusi praciahvajucca palityčnyja represii, bo jana pieraškadžaje vypraŭlać imidž krainy», — miarkuje Leanid Sudalenka.
Pravaabaronca patłumačyŭ, čamu hetaja infarmacyja z sajta Viarchoŭnaha suda była važnaj.
«Dla nas heta była nie adzinaja, ale vielmi važnaja krynica infarmacyi pra sudy, a faktyčna pra represii, jakija nie spynialisia z 2020 hoda i praciahvajucca ciapier, paśla apošnich vybaraŭ i navat paśla inaŭhuracyi. Pra zatrymańni, abvinavačańni i pieraśled byvała viadoma ad svajakoŭ, znajomych, siabroŭ represavanych ludziej. Ale pierapravieryć hetyja źviestki, a časam i ŭpieršyniu daviedacca pra fakty takoha cisku možna było pieravažna praz sajt z raskładam sudovych pracesaŭ. Ciapier heta niemahčyma. Tamu ja i liču, što heta nievypadkova», — skazaŭ Leanid Sudalenka.
Jon adznačyŭ, što błakiroŭka ahulnaj infarmacyi pra dziejnaść sudovaj sistemy — heta i parušeńnie kanstytucyjnaj normy, jakaja harantuje atrymańnie infarmacyi pra dziejnaść dziaržaŭnych orhanaŭ.
«Parušajecca prava hramadzianina atrymlivać źviestki pra dziejnaść sudovaj haliny ŭłady — voś što heta takoje z punktu hledžańnia hramadzianskaha prava. Viadoma, nam mohuć skazać, što jość inšyja šlachi infarmavańnia pra sudovyja pracesy. Tyja ž pozvy, SMS, narešcie, skažuć, što raskłady nadalej vyviešvajuć u budynkach sudoŭ. Ale heta ŭžo nie zabiaśpiečvaje roŭnaha dostupu da takoj infarmacyi. Dy i ŭ časy internetu aryjentavacca na doški abjavaŭ — heta šlach u daŭno minułyja časy. Dziaržava znajšła mahčymaść nakiravać u kosmas biełarusku, ale nie moža zabiaśpiečyć sučasnuju kamunikacyju hramadzian z sudami? Heta nonsens», — zaznačyŭ pravaabaronca.
Leanid Sudalenka źviarnuŭ uvahu i na toje, što z sajta Viarchoŭnaha suda zusim źnik raździeł «śpiecyjalnaje viadzieńnie», u jakim raźmiaščali infarmacyju pra zavočnyja sudy nad palityčnymi ŭciekačami.
«Voś uziać mianie, na jakoha zaviali zavočnuju kryminalnuju spravu ŭžo druhi raz. Daviedacca pra heta ŭdałosia tolki praź vizit śledčych da cieščy, heta było ŭ Biełarusi, a mnie ničoha pra spravu dahetul nie paviedamili. I nie paviedamiać. Nakolki mahu mierkavać z papiaredniaj spravy — navat pra toje, u čym mianie abvinavačvajuć. A ciapier ja nie daviedajusia i pra dzień suda, i vyrak budzie mnie nieviadomym.
I hetak adbyvajecca z usimi, chto prachodzić praz praceduru zavočnych sudoŭ. Źviartacca z zapytam u sudy biessensoŭna, bo adtul adkazvajuć, kab ludzi pa infarmacyju pryjazdžali ŭ Biełaruś, ale im tam pahražaje aryšt. Biezvychodnaja situacyja, ale i jaje stvaryli naŭmysna. Kab adpomścić pratestoŭcam, a pa-druhoje, kab schavać hetyja represii ad śvietu», — aburajecca Leanid Sudalenka.
Byłaja homielskaja sudździa-«kiler» uładkavałasia na pracu ŭ «Dabranom»
Prarasijskaha aktyvista, paplečnika Mirsalimavaj asudzili na 10 sutak za «ekstremizm»
Kiraŭnik MZS Polščy abmiarkoŭvaŭ u Vašynhtonie vyzvaleńnie žurnalista Andžeja Pačobuta
Eks-palitźniavolenaja Antanina Kanavałava paviedamiła pra aryšt siamiejnaj majomaści paśla adjezdu ź Biełarusi
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary
A tiepieŕ słomali elektronnoje pravosudije, zasiekrietiv informaciju o sudiebnyje zasiedanija vsiech sudov obŝiej jurisdikcii ot rajonnych i obłastnych do Vierchovnoho.
No na portale sudov obŝiej jurisdikcii publikovałoś daleko nie vsio i nie pro vsiech.
Chotia lično Sukało utvierždał, čto publikujutsia vsie sudiebnych postanovlenija, no rajonnyje sudy iźbiratielno podchodili k publikacii nie tolko tiekstov aktov, no i k publikacii sudiebnych raśpisanij, hdie učastvovali miestnyje činovniki i siłoviki libo ich rodstvieńniki (dieti, supruhi), v tom čiśle kasajemo ministrov.
Prodołžitielnoje vriemia imieła miesto poročnaja praktika, kohda dannyje po sudiebnym zasiedanijam i ich učastnikam v elektronnoje raśpisanije vvodiliś pozdno viečier užie pośle okončanija rabočieho vriemieni i dažie śvietovoho dnia ob užie sostojavšichsia zasiedanijach, čtoby na nich nie popali postoronnije słušatieli.
I eti dieła nikak nie byli śviazany s politikoj ili ekstriemistskoj diejatielnosťju.
Chotia vniedrienije elektronnoj sistiemy publikacii sudiebnych postanovlenij i raśpisanija sudiebnych zasiedanij objaśniałaś nieobchodimosťju profiłaktiki korrupcionnych projavlenij v sudiebnoj sistiemie, no korrupcija i tam pobiediła...
I toje taksama zadoŭha da 2020-ha i ŭ tym liku nie pa palityčnych spravach.
I jašče šmat fokusaŭ pa roznych momantach svajoj pracy.
Sistema hniła daŭno. Zdajecca ž: "viarchoŭny" (!) sud (!), a faktyčna tam ludzi, jakija cynična dumali, kudy i jak vyrulić, a nie pra spraviadlivaść.
Sama navina pra "cichi teror" - sučasnuju taktyku karnikaŭ.
Dadatkova i sudździej prykryvajuć: kali proźvišča sudzi niepubličnaje, jamu praściej rabić biaspraŭje.