Biznesmien Kuŭšynaŭ zabraŭ u Franaka Viačorki kupleny hadzińnik i padaryŭ jamu inšy
Hałoŭny daradca Śviatłany Cichanoŭskaj Franak Viačorka paviedamiŭ u fejsbuku, što biznesmien Alaksandr Kuŭšynaŭ zabraŭ niadaŭna pradadzieny praz aŭkcyjon jahony skandalny hadzińnik. Ale pry hetym i sam Viačorka biez hadzińnika nie zastaŭsia.
«Siońnia Alaksandr Kuŭšynaŭ atrymaŭ toj samy hadzińnik za najbolšy danat na biełaruskija spravy. Jon achviaravaŭ 5000 jeŭra na Vilenski biełaruski muziej imia Ivana Łuckieviča i Razam — fond dapamohi biełarusam u Litvie.
Uzamien jon padaryŭ mnie novy hadzińnik — lehiendarny i biascenny «Łuč» — i pradavać jaho ja nie źbirajusia!», — napisaŭ Viačorka.
U krasaviku minułaha hoda na telekanale «Biełsat» Viačorka raskazaŭ pra svoj hadzińnik Omega Seamaster Planet Ocean koštam 5-9 tysiač dalaraŭ:
«Mnie jaho padaravaŭ čałaviek, jaki vielmi šmat spryčyniŭsia da biełaruskaj spravy. Zajmaŭsia i da 2020 hoda, i paśla 2020-ha adradžeńniem biełaruskich miaścinaŭ. Mnohija jaho viedajuć taksama. Nu jon, napeŭna, pabačyŭšy, što ŭ mianie niama hadzińnika, prosta źniaŭ svoj z ruki i skazaŭ: voś tabie, kab chutčej viarnucca ŭ Biełaruś».
Historyja narabiła šmat šumu. Hadzińnik Viačorki začapiŭ navat Łukašenku.
Daradca Śviatłany Cichanoŭskaj adreahavaŭ na skandał u sacsietkach.
Franak Viačorka zapeŭniŭ, što ŭ tym fakcie, što nieviadomy biznesmien padaryŭ jamu darahi hadzińnik, niama karupcyjnaha składniku. «Heta było jašče da taho, jak źjavilisia ŭsie ofisy i kabiniety. Čałaviek [, jaki daryŭ,] nie žyvie ŭ Biełarusi, nie viadzie tam biznesu, i nijak heta nie źviazana z łabiravańniem intaresaŭ», — napisaŭ jon u kamientarach u fejsbuku.
Paśla rozhałasu jon vyrašyŭ pradać hadzińnik praz aŭkcyjon. Jaho pieramožcam akurat i staŭ Alaksandr Kuŭšynaŭ, jaki nabyŭ hadzińnik za 5 tysiač jeŭra. U toj ža čas jašče pierad pačatkam aŭkcyjona Viačorka pastaviŭ umovu, što atrymanyja hrošy pojduć nie jamu asabista, a musiać być pieraličanyja na padtrymku biełaruskich arhanizacyj na vybar samoha kupca.
Alaksandr Kuŭšynaŭ raskazaŭ, kamu pojduć hrošy, addadzienyja za hadzińnik Franaka Viačorki
Šmatpakutny hadzińnik Franaka Viačorki znajšoŭ uładalnika
Franak Viačorka vystaviŭ na aŭkcyjon svoj skandalny hadzińnik
«Jon u siejfie ŭ biaśpiecy». Ci ŭdałosia za hod pradać skandalny hadzińnik Franaka Viačorki?
Łukašenka vykazaŭsia pra hadzińnik Franaka Viačorki
Franak Viačorka prapanuje pradać svoj hadzińnik za $5 tysiač praz dabračynny aŭkcyjon
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»23
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary