Były staršynia likvidavanaha ŭładami abjadnańnia pradprymalnikaŭ «Pierśpiektyva» Anatol Šumčanka apublikavaŭ u tyktoku zvarot da Alaksandra Łukašenki. Nahoda — dziaržaŭnaja rehuliroŭka cen, jakaja robić stratnym biznes.
Były lidar pradprymalnikaŭ Anatol Šumčanka aściarožna, ale publična vystupiŭ suprać zarehulavanaści cen, jakaja rujnuje biznesy i jakuju Łukašenka ličyć pošukam formuły «spraviadlivaj cany».
«Pavažany Alaksandr Ryhoravič, ja da vas źviartajusia pa pytańni cenavaha rehulavańnia. Ja vielmi dobra razumieju, što davodzicca sutykacca z mnohimi vyklikami, jak u ekanomicy, tak i ŭ palitycy.
Kali byŭ pryniaty zakon ab taksi, ja aktyŭna zaklikaŭ stać na bok zakona i padtrymać vaša rašeńnie, jakoje pryniali ŭ ramkach ukaza.
Ale ciapier ja b chacieŭ zaklikać vas jašče raz źviarnuć uvahu na rašeńnie ŭrada z nahody rehulavańnia cen i ŭsio ž taki jašče raz prapracavać pieralik tavaraŭ, na jakija nieabchodna rehulavańnie. I ŭ našym vypadku jon patrabuje karekciroŭki.
I mnohija rečy adtul treba prybirać. Sustrakajciesia z pradprymalnikami, dajcie daručeńni, kab prapracavali hetaje pytańnie i vam ludzi buduć vielmi ŭdziačnyja», — skazaŭ Šumčanka.
Na naradzie 28 lutaha Łukašenka daručyŭ vypracavać aptymalnaje rašeńnie jak pa formule spraviadlivaj cany, tak i pa sistemie kantrolu i kiravańnia cenami.
3 krasavika była apublikavana čarhovaja pastanova ŭrada, jakoj karekcirujecca sistema rehulavańnia cen, uviedzienaja ŭ 2022 hodzie.
Pastanovaj siarod inšaha skaročany pieralik tavaraŭ, ceny na jakija rehulujucca. Ceny buduć rehulavacca na 211 tavarnych pazicyj, a nie 331, jak raniej. Ale, jak vynikaje, pradprymalniki ličać heta niedastatkovym.
Anatol Šumčanka — były staršynia likvidavanaha Viarchoŭnym sudom respublikanskaha abjadnańnia pradprymalnikaŭ «Pierśpiektyva».
U 2022 hodzie Šumčanka zatrymlivaŭsia za raspaŭsiud tak zvanych ekstremisckich materyjałaŭ.
Čym jon zajmaŭsia ŭ apošnija hady, nieviadoma. Uletku 2023 hoda Šumčanka raskazvaŭ, što jaho nie ŭziali navat kiroŭcam na «chutkuju».
U hetym hodzie jon uznačaliŭ vybarčy štab łukašenkaŭskaha spojlera na prezidenckich vybarach — Hanny Kanapackaj.
Ciapier čytajuć
Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom26
Kamientary