U vialikaj siamji Bruckich jość cełych 11 ordenaŭ Maci. I kali b u Biełarusi ŭručali orden «Pačesnaha dziaduli», kiraŭnik siamji — Andrej Brucki — dakładna zmoh by na jaho pretendavać. U mužčyny 15 dziaciej, 92 ŭnuki i 33 praŭnuki. Najmałodšamu členu siamji — paŭhoda. Ź piensijanieram pahutaryŭ obzoor.by.
Žyvie 84-hadovy Andrej Daniłavič u Stolinskim rajonie ŭ ahraharadku Biełavuša. Jon dahetul pracuje na svaim ułasnym młynie — užo kala 20 hadoŭ.
Amal va ŭsich jaho dziaciej taksama vielmi vialikija siemji: tolki ŭ dvaich — pa dvoje dziaciej, u astatnich — ad 4 da 11. Bolšaść žyvuć u Stolinskim rajonie.
U adnym kłasie ŭ škole časta vučacca pa troje-čaćviora stryječnych bratoŭ i siaścior. A byŭ pieryjad, kali ciotka vučyłasia razam ź plamieńnicaj.
Žonka Andreja Daniłaviča pamierła 11 hadoŭ tamu. Jon i ciapier uzhadvaje: kali ŭ žonki zdaryŭsia insult, pobač ź joj u balnicy kruhłasutačna dziažuryli pa dva pradstaŭniki siamji. U balnicy ŭvieś piersanał ździŭlaŭsia takoj kłapatlivaści.
— Jak vy śviatkujecie dni narodzinaŭ, kali stolki blizkich svajakoŭ?
— Dni narodzinaŭ my nie śviatkujem. Ni ja, ni žonka, nichto nie śviatkavaŭ. U nas heta nie pryniata. A dla padarunka nie abaviazkova čakać dnia narodzinaŭ — u luby čas možna.
Na pytańnie, ci paŭtarajucca ŭ siamji imiony, mužčyna raspaviadaje, što tak. Naprykład, u kožnym pakaleńni abaviazkova jość Andrej Daniłavič abo Daniił Andrejevič.
-
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?
-
Ajcišnika ź Minska pasadzili pa čatyroch palityčnych artykułach
-
Sajt Instytuta kantrolu viedaŭ nie vytrymlivaje nahruzki z-za kolkaści achvotnych daviedacca vyniki repietycyjnaha ispytu
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?8
Kamientary