Čynoŭniki MARH pravieryli schoviščy z aharodninaj i kažuć, što ŭsio narmalna
Ministerstva antymanapolnaha rehulavańnia i handlu na fonie vidavočnych prablem z zabieśpiačeńniem nasielnictva bulbaj i inšaj harodninaj praviało inśpiekcyju aharodninnaschoviščaŭ i vydała aptymistyčnuju spravazdaču.
Supracoŭniki MARH, jak paviedamlajecca, pravieryli najaŭnaść i jakaść bulby, a taksama inšaj harodniny z tak zvanaha «barščavoha» naboru ŭ 20 harodninaschoviščach krainy i znašli tam usie padstavy dla aptymizmu.
U adnym schoviščy «bulba zachoŭvajecca navałam i ŭ kantejnierach, pierad niepasrednaj adpraŭkaj adbyvajecca sartavańnie pradukcyi», u druhim «zakładzienaja pradukcyja maje naležnuju jakaść i zachoŭvajecca ŭ abjomach, dastatkovych dla vykanańnia pastavak zhodna z zaćvierdžanym hrafikam», u trecim harodniny «dastatkova dla vykanańnia damoŭnych abaviazacielstvaŭ, jość svabodnyja abjomy kapusty i burakoŭ».
«U cełym u daśledavanych stabilizacyjnych fondach bulba maje naležnuju jakaść, adpaviadaje patrabavańniam DSTU 7176-2017 «Bulba charčovaja» i zachoŭvajecca ŭ dastatkovych abjomach dla vykanańnia zajavak», — robicca vysnova čynoŭnikami ministerstva.
Zastajecca tolki zabiaśpiečyć, kab stan u harodninaschoviščach adpaviadaŭ stanu ŭ kramach. Apošnim časam z usioj Biełarusi prychodziać paviedamleńni, što asnoŭnych vidaŭ aharodniny kštałtu bulby, kapusty ci cybuli ŭ kramach ci zusim niama, ci nie chapaje, ci jość, ale nienaležnaj jakaści.
Deficyt harodniny: śledam za kapustaj z kramaŭ prapała cybula
MARH: Bulba ŭ kramach jość, pieražyvać niama čaho
Pavyšany hraničnyja ceny na bulbu, kapustu i cybulu
Ni bulby, ni kapusty. U mnohich kramach źnikła harodnina, na bazarach ceny zaškalvajuć
Kab nabrać dobraj, treba pakorpacca. Novaja revizija bulbianoj prapanovy ŭ kramach Minska zaśviedčyła sumny stan
Što adbyvajecca z bulbaj u Biełarusi i čamu jaje stała mienš u kramach. Reč nie tolki ŭ źmianšeńni abjomaŭ pasadak
Kamientary