Psieŭdaelektryki napali na minskaha ajcišnika, katavali jaho i patrabavali bolš za $300 miljonaŭ
U žniŭni minułaha hoda dvoje mužčyn u śpiecadzieńni pazvanili ŭ dźviery 45-hadovaha minskaha prahramista: jany pradstavilisia elektrykami i zajavili, što im treba pravieryć ličylniki.
Zatym nadzieli na mužčynu kajdanki i patrabavali ŭ jaho kryptavalutu — 5750 bitkojnaŭ na sumu bolš čym 300 miljonaŭ (bolš za miljard rubloŭ). Jany pahražali ajcišniku pistaletam, elektrašokieram i injekcyjaj narkatyčnych srodkaŭ. Ale ŭ vyniku jany nie atrymali žadanaha: adzin z mužčyn źbieh za miažu, a druhi, žychar Hrodna, byŭ zatrymany.
Zaraz Hienieralnaja prakuratura nakiravała ŭ sud kryminalnuju spravu pa abvinavačańni hrodzienca ŭ rabavańni i vymahalnictvie, učynienych hrupaj asob pa papiaredniaj zmovie z metaj zavałodańnia čužoj majomaściu ŭ asabliva bujnym pamiery.
Stała viadoma, što abvinavačany zahadzia raspracavaŭ i ŭzhadniŭ z usimi saŭdzielnikami złačynny płan, a taksama znajšoŭ srodki i pryłady dla ździajśnieńnia złačynstva.
Ad paciarpiełaha patrabavali pieravieści kryptavalutu na peŭny virtualny kašalok. Ale abvinavačany i jahonyja saŭdzielniki žadanaha nie atrymali: jany syšli, pakinuŭšy adras, pa jakim minčuk ciaham sutak musiŭ byŭ pieravieści kryptavalutu.
Ciapier supraćpraŭnyja dziejańni hrodzienca kvalifikavanyja pa č. 3 art. 207, č. 3 art. 208 Kryminalnaha kodeksa Respubliki Biełaruś. Abvinavačany pad vartaj.
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary