Było 38 rubloŭ za kiło, stała 63? Ceńnik na cukierki «Kamunarki» vyklikaŭ sprečki siarod biełarusaŭ
Biełaruska apublikavała ŭ tyktoku rolik, u jakim pakazała dva ceńniki na adnyja i tyja ž cukierki kandytarskaj fabryki «Kamunarka» ŭ kramie handlovaj sietki «Hipa». Adroźnivalisia daty i sama cana: 38,39 rubla i 63,36. Kamientatary stali spračacca, praz što takoje značnaje padaražańnie, piša Telegraf.news.
«Chto ŭ kursie, što adbyvajecca z «Kamunarkaj»?» — spytałasia aŭtarka videa.
Tak źmianiłasia cana cukierak «Trufieli». Pieršy ceńnik datavany 24 sakavika (dzie 38,39 rubla), druhi — 23 krasavika (63,36). Heta značyć, pa hetych źviestkach, cana vyrasła na 24,97 rubla, abo na 65%.
Ceńnik na cukierki «Kamunarki» vyklikaŭ sprečki siarod biełarusaŭ U adnym z kamientaroŭ aŭtarka videa śćviardžała, što «sakavicki ceńnik pamianiali paśla abiedu 23 krasavika».
«Ceńnik pamianiali paśla vizitu pradstaŭnikoŭ «Kamunarki», tak skazali rabotniki kramy, jakija taksama byli ŭ šoku!!!» — napisała biełaruska.
«Nieŭradžaj kakava-ziernia, nu ci taho, z čaho robiać kakava-masła, na biržach, dzie jaho zakuplajuć, cana ŭ try razy ŭźlacieła», — patłumačyŭ padaražańnie adzin kamientatar.
Inšy abvinavaciŭ kurs dalara: «Dalar padaražeŭ na dźvie kapiejki, nu i voś».
Jašče adna karystalnica tyktoku skazała, što «heta nie «Kamunarka», a «Hipa» vyznačaje ceny». Ź joj nie pahadzilisia: «Nie, cana ad pastaŭščyka».
«Chaču zaŭvažyć, u «Spartaku» ceny adekvatnyja… Kamunarka, viadoma, ahoń», — padzialiŭsia mierkavańniem jašče adzin juzer.
«Heta adbyvajecca, chutčej za ŭsio, nie z «Kamunarkaj», a z handlovymi arhanizacyjami», — dumaje inšy.
«Kali zroblena realna z kakava-baboŭ, cana budzie raści, bo cana na suśvietnym rynku mocna vyrasła», — rastłumačyŭ inšy kamientatar.
Što ŭpłyvaje na košt prysmakaŭ?
Raniej hałoŭny technołah SAAT «Kamunarka» Iryna Macuhud raskazała žurnalistam Telegraf.news pra dva faktary, jakija ŭpłyvajuć na košt kandytarskaj pradukcyi.
Pa-pieršaje, cana zaležyć ad inhredyjentaŭ. Čym daražejšy skład pradukta, tym vyšejšaja vynikovaja cana, tłumačyła Macuhud. Naprykład, cukierki z kandytarskaj hłazuraj buduć kaštavać tańniej, čym z šakaładnaj.
«Druhim punktam idzie technałohija vytvorčaści. Kali cukierki vypuskajuć na vysokapradukcyjnaj linii, dzie pracuje nievialikaja kolkaść ludziej, to i sabiekošt budzie nižejšy. A kali, naprykład, linija staraja, dy jašče i inhredyjenty darahija, — heta sumlennaja cana», — zapeŭniła hałoŭny technołah «Kamunarki».
Pry hetym zrabić tak, kab cukierki «daražejšyja» rabili na linii, dzie «tańniej», — nielha. Jak skazała Macuhud, heta budzie ŭžo zusim inšaja pradukcyja: smak stanie niazvykłym i ŭlubionyja prysmaki budzie nie paznać.
A pa słovach hienieralnaha dyrektara SAAT «Kamunarka» Siarhieja Aniuchoŭskaha, jaki taksama pahutaryŭ z Telegraf.news, u 2024 hodzie ŭ paraŭnańni z 2023-m kakava-baby padaraželi ŭ try razy.
«Što tyčycca ŭzroŭniu cen (vy spytali, jaki pavinien być). Jak minimum na 20% budzie pavyšeńnie viasnoj [2025 hoda]», — skazaŭ jašče zimoj Aniuchoŭski.
Biełarus uźjeŭsia na «Aerafłockija» i «Alonku»: što nie tak z hetymi cukierkami
«Uziała ich ceły miech». Biełaruska pakazała, jakija pradukty pryvozić z Polščy, i spravakavała burnuju dyskusiju
U Hrodnie kiroŭca zabraŭ niaŭličanyja 42 kiłahramy cukierak
«Kamunarka» pačała pradavać dubajskija cukierki
U biełaruskaj kramie zaŭvažyli šakaład vielmi niezvyčajnaha vyhladu VIDEA
Na «Kamunarcy» adnoviać vypusk cukierak, papularnych u savieckija časy
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary