Demi Mur raskazała, jak joj atrymlivajecca zachoŭvać maładość i fihuru
62-hadovaja zorka Demi Mur raspaviała, jak pryniaćcie svajho cieła, zdarovaje charčavańnie i novaje staŭleńnie da žyćcia dapamahajuć joj vyhladać cudoŭna.
Aktrysa Demi Mur raspaviała pra svajo staŭleńnie da cieła i pryhažości. U 90-ja hady, padčas zdymak u takich filmach, jak «Pryvid», «Nieprystojnyja prapanovy», «Stryptyz» i «Sałdat Džejn» jana mocna kantralavała vahu i fizičnuju formu, «karała» siabie dyjetami i intensiŭnymi treniroŭkami.
«Ja była vielmi žorstkaj da siabie i sprabavała daminavać nad svaim ciełam. Heta było sapraŭdnaje samakatavańnie», — pryznałasia aktrysa ŭ intervju PEOPLE.
Paśla zdymak u «Sałdat Džejn» u 1997 hodzie Mur zrazumieła, što straciła suviaź sa svaim ciełam i vyrašyła adpuścić kantrol.
Z taho času Mur pierajšła da bolš intuityŭnaha padychodu: jana słuchaje svajo cieła, kali jano «prosić ježy ci vady», i nie dziejničaje praz strach. Siońnia jana amal na 18 kh lahčejšaja, čym u maładości.
Štodzionny rasparadak Demi ŭklučaje karotkuju miedytacyju, zapaŭnieńnie dziońnika i charčavańnie karysnaj ježaj:
— Ja nie suprać kałaryjnaj ježy, hałoŭnaje, kab tam było šmat pažyŭnych rečyvaŭ. Ja nie jem miasa, ale jem jajki. Hałoŭnaje — prysłuchoŭvacca da svajho cieła. Ja pju šmat vady, kab nie błytać pačućcio hoładu sa smahaj, — adznačaje Diemi Mur.
Hałoŭnaja asnova racyjonu aktrysy — heta pradukty z vysokim utrymańniem białku.
Choć Mur i pryznajecca, što časam nie moža admovicca ad Red Bull («ale tolki adna blašanka»), jana nie imkniecca da ideału: «Ja nie daskanałaja. I heta narmalna».
Razvažajučy pra stareńnie, aktrysa padkreślivaje važnaść pryniaćcia siabie: «Ja navučyłasia canić usio, praz što prajšło majo cieła. Bo jano dała žyćcio trom dzieciam i pa siońnia maje vydatnaje zdaroŭje».
Demi Mur pryznajecca, što i ciapier byvaje niezadavolenaja svaim adlustravańniem u lusterku, ale: «Heta ŭžo nie vyznačaje maju kaštoŭnaść ci toje, chto ja jość».
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać15
Kamientary