Spartyŭnaja hazieta «Priessboł» ź lipienia pieratvorycca ŭ štotydniovy 16-staronkavy numar. Košt adnaho numara składzie 12 rubloŭ. Abiacajuć, što heta budzie niešta nakštałt časopisa.
«Biaźlitasny čas dyktuje svaje patrabavańni, i ŭ niaroŭnaj baraćbie za apieratyŭnaść z elektronnymi nośbitami my vyrašyli, što haziecie patrebnyja źmieny. Jak jakasnyja, tak i vizualnyja.
Tamu jana pieratvorycca ŭ padabienstva štotydniovaha časopisa na 16 staronkach. Bahata ilustravanaha, ź vialikim naboram analityčnych materyjałaŭ, intervju ź viadučymi biełaruskimi spartsmienami i trenierami, apoviedami pra los vieteranaŭ, jakija na praciahu doŭhich hadoŭ prynosili słavu ajčynnamu sportu, repartažaŭ z čempijanataŭ śvietu, Jeŭropy i Alimpijskich hulniaŭ.
Uličvajučy našy ciesnyja partniorskija adnosiny z ABFF, mienavita najpapularniejšamu vidu sportu ŭ śviecie budzie addadziena pieravaha.
Tym bolš što letam i vosieńniu mižnarodny kalandar prapanuje zaŭziataram šmat cikavaha — ad jeŭrakubkaŭ da ŭdziełu zbornaj Biełarusi ŭ kvalifikacyjnym raŭndzie ČS-2026.
Adnak nie buduć zabyty i inšyja vidy sportu, dzie našy suajčyńniki prademanstrujuć vysokija vyniki.
Kab zachavać pierajemnaść, hazieta jak i raniej budzie źjaŭlacca ŭ paštovych skryniach našych viernych čytačoŭ i pastupać u prodaž praz kijoski «Sajuzdruku» pa aŭtorkach, — havorycca ŭ paviedamleńni.
***
«Priessboł» byŭ zasnavany niezaležnymi žurnalistami, pieršy numar vyjšaŭ 16 studzienia 1991 hoda na vaśmi staronkach, potym vydavaŭsia na 16 staronkach. U siaredzinie 1990-ch hazieta vychodziła dvojčy na tydzień: u aŭtorak na 32 staronkach, u piatnicu na vaśmi.
U kancy 1990-ch hazieta pierajšła na farmat čatyry razy na tydzień, niejki čas vydavałasia šeść razoŭ na tydzień.
Apošnija hady vychodziła dva razy tydzień (aŭtorak, piatnica) pa 16 staronak. Jaho papiarovy nakład składaje niekalki tysiač asobnikaŭ.
Kamientary