U pieršym kvartale 2025 hoda čysty prybytak hałoŭnaj naftazdabyŭčaj kampanii Rasii — «Rasnafty» — skaraciŭsia na 58% u paraŭnańni z anałahičnym pieryjadam minułaha hoda. Heta vynikaje ź jaje finansavaj spravazdačnaści pa mižnarodnych standartach, piša The Moscow Times.
Za studzień—sakavik kampanija atrymała tolki 170 miljardaŭ rubloŭ (kala 2,2 miljarda dalaraŭ) prybytku suprać 399 miljardaŭ (kala 5,2 miljarda dalaraŭ) hod tamu. Vyručka taksama źmienšyłasia na 12% — da 2,283 tryljona rubloŭ (kala 29,57 miljarda dalaraŭ). Akramia taho, apieracyjny hrašovy patok (365 miljardaŭ) nie pakryŭ kapitalnyja vydatki (403 miljardaŭ, i «Rasnafta» apynułasia ŭ admoŭnaj zonie.
U jakaści pryčyn takoha padzieńnia ŭ kampanii nazyvajuć:
- źnižeńnie cenaŭ na naftu Urals (na 9%) i premijalnuju naftu VSTO (na 11%);
- umacavańnie rubla, z-za čaho rublovyja dachody ad ekspartu ŭpali na čverć (da 5000 rubloŭ za barel u sakaviku, i jašče nižej u krasaviku i mai — da 4000 rubloŭ);
- sankcyi, jakija prymusili pavialičyć źnižki dla pakupnikoŭ nafty, asabliva ŭ Kitai;
- pavieličeńnie klučavoj staŭki Centrabanka, što pavialičyła vydatki pa kredytach u 1,8 raza;
- rost padatku na prybytak.
Kab pakryć rost vydatkaŭ, «Rasnafta» była vymušanaja ŭziać 1 tryljon rubloŭ (kala 13 miljardaŭ dalaraŭ) pazyki — heta ŭ čatyry razy bolš, čym u pieršym kvartale 2024 hoda.
Niahledziačy na niehatyŭnuju dynamiku, analityki, adnak, nie ličać, što «Rasnafta» sutyknułasia z doŭhaterminovymi prablemami. Pakolki biudžet krainy zaležyć ad naftavych dachodaŭ, ułady, chutčej za ŭsio, adreahujuć — naprykład, praz asłableńnie rubla (devalvacyju), kab padniać dachodnaść ekspartu.
Taksama padkreślivajecca, što «Rasnafta» — adzinaja kampanija ŭ Rasii, jakaja maje pierśpiektyvu pašyreńnia zdabyčy dziakujučy prajektu «Uschod Ojł» — apošniamu bujnamu nieasvojenamu kłastaru naftavych radoviščaŭ u krainie.
Panama ŭvodzić novyja abmiežavańni dla «cieniavoha fłotu» Rasii
Rasija pačała supravadžać svaje tankiery ŭ Bałtyjskim mory vajskovymi karablami i samalotami
Rasijskija čyhunki sutyknulisia z najbujniejšym padzieńniem hruzapieravozak u historyi kampanii
Ukraina dabivajecca źmianšeńnia cenavaj stoli na rasijskuju naftu ŭdvaja
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary
«Ja miarkuju, što prezydentu TRAMPU varta vyvučyć, jak Ronald Rejhan pieramoh Balšavickuju imperyju. Jon zrabiŭ heta biaz strełu, jak my viedajem, ale ŭ jaho była superzbroja — nafta.»
Varta pamiatać, jak Ronald Rejhan zrynuŭ Balšavickuju imperyju — biaz strełu. Jahonaja klučavaja zbroja? Nafta. Jak skazaŭ Majkł Rejhan: "Jon zrabiŭ heta biaz strełu, jak my viedajem, ale ŭ jaho była superzbroja — nafta."
— Majkł Rejhan.
Tohda i vojna zakončitsia, i putin uhomonitsia.