Ukrainskaja raźviedka ŭzłamała resursy vytvorcy stratehičnaj avijacyi Rasii
Ukrainskaja raźviedka ŭzłamała resursy rasijskaha kanstruktarskaha biuro «Tupaleŭ» — adnaho z klučavych pradpryjemstvaŭ u śfiery stratehičnaj avijacyi RF, piša «Ukrainskaja praŭda» sa spasyłkaj na śpiecsłužby.
U vyniku apieracyi ŭdałosia atrymać danyja, siarod jakich — unutranaja słužbovaja pierapiska, piersanalnaja infarmacyja supracoŭnikaŭ, adrasy pražyvańnia, reziume inžynieraŭ, dakumienty ab zakupkach i pratakoły zakrytych naradaŭ, davodziać krynicy vydańnia.
Pavodle słoŭ surazmoŭcy, ukrainskaja raźviedka ŭžo niekatory čas adsočvaje dakumientaabarot pradpryjemstva, i atrymanaja infarmacyja dazvalaje identyfikavać ludziej, jakija niepasredna ŭdzielničajuć u absłuhoŭvańni rasijskaj stratehičnaj avijacyi.
Paśla zakančeńnia apieracyi kibierśpiecyjalisty raźmiaścili na aficyjnym sajcie KB «Tupaleŭ» vyjavu savy z rasijskim samalotam u łapach jak simvał ataki.
«Ciapier faktyčna nie zastałosia ničoha tajemnaha ŭ dziejnaści KB «Tupaleŭ» dla ŭkrainskaj raźviedki. U pryvatnaści, my atrymali vyčarpalnuju infarmacyju pra asob, niepasredna ŭciahnutych u absłuhoŭvańnie rasijskaj stratehičnaj avijacyi. Vynik, vidavočna, budzie prykmietny jak na ziamli, tak i ŭ niebie», — kaža krynica.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary