Tom Kruz trapiŭ u Knihu rekordaŭ Hinesa za truk u apošnim filmie «Misija nievykanalnaja»
Amierykanski akcior Tom Kruz trapiŭ u Knihu rekordaŭ Hinesa dziakujučy truku, vykananamu padčas zdymak apošniaha filma franšyzy «Misija nievykanalnaja». Pra heta paviedamlajecca na sajcie Knihi rekordaŭ.
«Vośmaja, apošniaja na siońniašni dzień častka franšyzy «Misija nievykanalnaja — Finalnaja raspłata» sapraŭdy padniała płanku — vidoviščnyja truki Toma padčas zdymak filma dazvolili jamu ŭpisać svajo imia ŭ Knihu rekordaŭ Hinesa za najbolšuju kolkaść skačkoŭ z pałajučym parašutam, vykananych adnoj asobaj», — havorycca ŭ paviedamleńni na sajcie Knihi rekordaŭ.
Akcior vykanaŭ 16 dublaŭ padčas zdymak sceny sa skačkom.
Jon skakaŭ ź viertalota z prasiaknutym pałajučaj sumieśsiu parašutam, jaki paźniej uzharaŭsia, akcior pazbaŭlaŭsia ad jaho, adkryvaŭ zapasny parašut i paśpiachova pryziamlaŭsia. «Ni adzin inšy akcior abo kaskadzior nie nabliziŭsia da takoj kolkaści śmiarotna niebiaśpiečnych skačkoŭ», — adznačyli ŭ Knizie rekordaŭ.
62-hadovy Tom Kruz viadomy tym, što imkniecca samastojna vykonvać jak maha bolš trukaŭ padčas zdymak, śćviardžajučy, što heta robić jaho filmy bolš aŭtentyčnymi. Najčaściej akcior robić heta padčas zdymak stužak franšyzy «Misija nievykanalnaja», apošniaja ź jakich vyjšła ŭ prakat u ZŠA ŭ kancy maja. Kruzu taksama naležyć inšy tytuł u Knizie rekordaŭ Hinesa — udzieł u samaj praciahłaj sieryi filmaŭ, jakija źbirali bolš za $100 młn u prakacie.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary