U sieradu prajšli čarhovyja matčy adboračnaha turniru čempijanatu Eŭropy – 2008
U sieradu prajšli čarhovyja matčy adboračnaha turniru čempijanatu Eŭropy – 2008.
U Ejndchovenie zbornaja Biełarusi (hałoŭny trener - Jury Puntus) prajhrała favarytam našaj hrupy "G" zbornaj Halandyi ź likam 0:3. Dva hały na rachunku Robina van Persi, jaki hulaje, jak i biełarus Alaksandar Hleb, za londanski "Arsenał". Adzin hoł zabiŭ Dyrk Kiujt.
U našaj padhrupie zbornaja Baŭharyi razhramiła na svaim poli słaviencaŭ ź likam 3:0 (Valery Božynaŭ, Marcin Pietraŭ, Dmitar Tełkijski). Zbornaja Rumynii ŭ haściach pierajhrała kamandu Albaniju – 2:0 (Nikałaje Dzika, Adryjan Mutu z penalci).
Stanovišča kamandaŭ paśla dvuch turaŭ:
Halandyja – 6, Baŭharyja i Rumynija – pa 4 (2 hulni), Biełaruś i Albanija – pa 1 (2 hulni), Luksemburh i Słavienija – 0 (pa adnoj hulni).
Nastupnuju hulniu biełarusy praviaduć 7 kastryčnika ŭ haściach sa zbornaj Rumynii. 11 kastryčnika - u Miensku sa zbornaj Słavienii.
Siońnia taksama maładziovaja zbornaja Biełarusi ŭ svajoj hrupie ŭ horadzie Ŭhierskie-Hradyšte praviała vyrašalny matč adboračnaha turniru sa zbornaj Čechii. Kab trapić u nastupnuju stadyju treba było pieramahać, a biełarusy prajhrali ź likam 1:2. Biełarusy zaniali druhoje miesca ŭ hrupie (trecija – kipryjoty). U płej-of (7 i 11 kastryčnika) trapiła zbornaja Čechii. Tolki pieramožcy płej-of vychodziać u finalnuju stadyju čempijanatu.
Kamientary