Ministerstva zamiežnych spraŭ Biełarusi zrabiła zajavu ŭ suviazi z abvastreńniem situacyi na Blizkim Uschodzie.
«Respublika Biełaruś vykazvaje hłybokuju zakłapočanaść novym vitkom vajennaj eskałacyi pamiž Izrailem i Iranam, a taksama paviedamleńniami ab hibieli mirnych žycharoŭ, u tym liku dziaciej. Siłavy scenaryj urehulavańnia kanfliktu ŭjaŭlaje surjoznuju pahrozu dla rehijanalnaj stabilnaści i biaśpieki, niasie ryzyku humanitarnaj katastrofy i moža mieć niepradkazalnyja hłabalnyja nastupstvy», — havorycca ŭ zajavie MZS.
«Zaklikajem usie baki, uciahnutyja ŭ kanflikt, da strymanaści, adkaznaści i niedapuščeńnia dziejańniaŭ, jakija mohuć niehatyŭna paŭpłyvać na palityčna-dypłamatyčnyja namahańni mižnarodnaj supolnaści, nakiravanyja na ŭsioabdymnaje ŭrehulavańnie situacyi na Blizkim Uschodzie», — zaznačajuć u Ministerstvie.
MZS nastojliva rekamiendujem hramadzianam Biełarusi «ŭličvać biahučuju situacyju, staranna ŭzvažvać nieabchodnaść pajezdak u krainy, što ŭvachodziać u zonu kanfliktu, a taksama pry ich płanavańni sačyć za aficyjnymi paviedamleńniami avijacyjnych uładaŭ ab mahčymym uviadzieńni abmiežavańniaŭ na vykarystańnie pavietranaj prastory šerahu krain, a taksama ab prypynieńni pracy aeraportaŭ»
Hramadzian Biełarusi, jakija znachodziacca ŭ rehijonie, zaklikajuć stroha vykonvać miery biaśpieki i kiravacca rekamiendacyjami ŭładaŭ krainy znachodžańnia.
***
Siońnia nočču Izrail nanios udar pa Iranie. Ułady krainy zajavili, što atakavali iranskuju jadziernuju prahramu. Byli zabityja kamandujučy Korpusam vartavych isłamskaj revalucyi i načalnik Hienštaba armii Irana, a taksama niekalki fizikaŭ-jadzierščykaŭ. Iran u adkaz zapuściŭ niekalki dziasiatkaŭ bieśpiłotnikaŭ u Izrail, jakija byli źbityja na padlocie da Izraila.
Izrail nanios udary pa Iranie. Zahinuli kiraŭnik Korpusa vartavych isłamskaj revalucyi i načalnik Hienštaba armii Irana
Viarchoŭny lidar Irana pahražaje Izrailu nastupstvami
Izrailskija ŚMI: jadzierny reaktar u iranskim Natanzie źniščany daščentu
Izrailskija ŚMI: jadzierny reaktar u iranskim Natanzie źniščany daščentu
Čym viadomy Chasiejn Sałami — kamandujučy, jaki zahinuŭ padčas izrailskaha ŭdaru
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary