U Polščy zaviali spravu ab nienaŭmysnym zabojstvie paśla hibieli aktyvista Kaśpiaroviča
Prakuratura horada Novy Dvur Mazaviecki pad Varšavaju rasśleduje hibiel biełarusa Źmitra Kaśpiaroviča pavodle artykuła ab nienaŭmysnym pryčynieńni śmierci. Što praŭda, prykmietaŭ «miechaničnaj traŭmy» ekśpierty nie znajšli, paviedamlaje «Biełsat».
Prakuratura horada Novy Dvur Mazaviecki pačała rasśledavańnie hibieli 43-hadovaha biełarusa Źmitra Kaśpiaroviča. Jahonaje cieła 20 červienia znajšli ŭ domie, dzie jon žyŭ.
«23 červienia była zaviedziena kryminalnaja sprava pavodle artykułu 155 Kryminalnaha kodeksu. 24 červienia było praviedzienaje anatamavańnie. Papiaredniaje zaklučeńnie nie pakazała, što da śmierci pryviała miechaničnaja traŭma», — paviedamiła «Biełsatu» pres-sakratarka Akruhovaj prakuratury varšaŭskaha rajonu Praha Karalina Staras.
Choć i zaviedzienaja sprava pavodle artykułu ab nienaŭmysnym pryčynieńni śmierci, na ŭmiašańnie trecich asobaŭ pakul ničoha nie pakazvaje.
«Na hety momant ekśpierty nie kamientujuć, ci była śmierć hvałtoŭnaju i ci byŭ Źmicier K. ćviarozy ŭ momant śmierci. Rasśledavańnie ciapier na samaj rańniaj stadyi, iduć pracesualnyja dziejańni dziela ŭstalavańnia akaličnaściaŭ śmierci».
Artykuł 155 Kryminalnaha kodeksa Polščy praduhledžvaje źniavoleńnie na termin ad 3 miesiacaŭ da 5 hadoŭ.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
tryvajuć pracesualnyja dziejańni - PRACIAHVAJUCCA
----------tryvać = tierpieť, sochraniaťsia, dieržaťsia,biezropotno pierienosiť------------