U 2023 hodzie raspačałosia vydańnie Zboru tvoraŭ kłasika biełaruskaj litaratury Kuźmy Čornaha (1900—1944) u 12 tamach. Napiaredadni 24 červienia, kali było 125-hodździe z naradžeńnia piśmieńnika, źjaviłasia navina pra vychad u vydaviectvie «Biełaruskaja navuka» treciaha toma, piša Bellit.info.
U treci tom navukova kamientavanaha Zboru tvoraŭ Kuźmy Čornaha ŭvajšli apaviadańni 1932—1944 hadoŭ, heta značyć tvory napisanyja ŭ apošni pieryjad jaho žyćcia, piša pablik De facto. Biełaruskaja navuka.
U 1938 hodzie Kuźma Čorny (1900—1944) byŭ aryštavany i 8 miesiacaŭ utrymlivaŭsia ŭ Mienskaj turmie, z 1941 hodu pierabyvaŭ u evakuacyi. U vieraśni 1944-ha viarnuŭsia ŭ Miensk i nieŭzabavie pamior ad insultu.
Kniha naličvaje 383 staronki. Navukovy redaktaram hetaha tomu vystupiła Alena Vasilevič, nad padrychtoŭkaj tekstaŭ i kamientarami pracavali Iryna Śmirnova, Kaciaryna Čarota.
ŹMIEST:
- Złačynca pakarany (Apaviadańnie Kuźmy Čornaha)
- Siamnaccać hod
- Truchlavaje koła
- Bryhadzirava pamyłka (Apaviadańnie)
- Źviaha (Apaviadańnie)
- Śviataja papružka
- Muravany sklapok
- Jak dziadźka Tamaš napałochaŭ vaŭkoŭ
- Makarkavych Volka (Apaviadańnie)
- Ściapanavy dzieci (Apaviadańnie K. Čornaha)
- Darahusia
- Rodnyja miaściny (Apaviadańnie)
- Ziamla (Apaviadańnie)
- Navahodniaja noč (Apaviadańnie)
- Maleńkaja žančyna
- Matčyna błahasłavieńnie
- Baćka
- Śmierć
- Aksieniny ślady
- Pahanyja kości
- Matčyna kroŭ
- Ahoń (Apaviadańnie)
- Papiališča
- Prastorny dom (Apaviadańnie)
- Vosień
- Vialikaje serca
- Hora
- Zaŭtrašni dzień (Apaviadańnie)
Kupić knihu možna praz sajt Kniganosha.by i ŭ kniharniach.
Letaś vyjšaŭ i byŭ prezientavany ŭ Instytucie litaraturaznaŭstva Akademii navuk druhi tom Zboru tvoraŭ Kuźmy Čornaha.
Kamientary